Friday, November 29, 2013

இயக்குனர் மகேந்திரன் ஆணாக்திக்கவாதியா ? கவிஞர் றியாசுடன் ஓர் உரையாடல்

ஆண்டிகளில் பரம்பரை ஆண்டி , பஞ்சத்துக்கு ஆண்டி என இருவகை உண்டு..
நானெல்லாம் இப்போதுதான் மகேந்திரன் படங்கள் பார்த்து வருகிறேன்... ஆனால் அவர் படங்களை வெகு ஆண்டுகளுக்கு முன்பிருந்தே ,பார்த்து நினைவில் வைத்திருப்பவர்கள் உண்டு...அவர்களுடன் உரையாடுவது ஓர் இனிய அனுபவம்,

அவர் படங்களில் இடம்பெற்ற பாடல்கள் , ஆணாதிக்கம் ,மணிரத்னம் போன்றோர் அவர் கதையை சுட்டது ,போன்ற பல விஷ்யங்களை நேற்று விவாதித்தோம்..அவற்றின் தொகுப்பு உங்கள் பார்வைக்கு..

**********************************************************



குறியீடு பற்றி பற்றி பேசுபவர்கள் , மகேந்திரனின் பூட்டாத பூட்டுகள் பார்க்க வேண்டும்.. மல்லிப்பூ காட்சி, அஞ்சு பைசா காட்சி ஆகிய இரண்டை மட்டும் பார்த்தாலே போதும்

  • Gj Premkumar பாஸு நானும் பாத்தேன்..எனக்கு தெறிஞ்ச குறியீடு ..ஹாஆஆஆஆவ்..


  • Siva Raj இதுல ரெண்டு தடவை ' பற்றி' வருதே , இதுவும் குறியீடா...?! 


  • Riyas Qurana ஆனந்தம் ஆனந்தம் நீ தந்தது. பாடல் சட்டென்று நினைவுக்கு வந்தது.


  • Balamurugan Chendurpandian அலோ பிச்சைக்கார்...சினிமா பத்தியே பேசறீங்களே...படம் இயக்க போறீங்களா, தயாரிக்கப் போறீங்களா?


  • Riyas Qurana நன்டு படம் குறித்து பதிந்தபோது, அள்ளித்தந்த வானம் பாடல் நினைவில் வந்தது. ” தனித்த காலம் வளர்த்த இடங்களெ, இளமை நினைவை இசை்கும் தெருக்கள்” வரி சுற்றிக்கொண்டிருந்தது.


  • Riyas Qurana மகேந்திரனின் நெஞ்சத்தைக் கிள்ளாதே படத்தை , மணிரத்னம் - மௌனராகமாக எடுத்தார். உதிரிப்பூக்களை - வசந்த் - ஆசை என எடுத்தார்.

  • Riyas Qurana தனது படங்களில் ஆண்களோடு நேருக்கு நேர் பேசாத, எதையும் அமைதியாக பொறுத்துக் கொள்கிற ‘குடும்ப பாங்கான’ பெண்கள்தான் முன்மாதிரியான பெண்கள் என்ற கருத்தை அநேகமாக பதிவு செய்திருக்கிறார்.

    அவரின் முதல் படமான முள்ளும் மலரும் ஷோபா, உதிரிப்பூக்கள் அஸ்வினி, ஜானி ஸ்ரீதேவி, நெஞ்சத்தைக் கிள்ளாதேயில் சரத்பாபுவின் இரண்டாவது மனைவி, அதேப் படத்தில் திருமணத்திற்கு பிறகு சுகாசினியின் மாற்றம், கண்ணுக்கு மை எழுது சுஜாதா, மெட்டி விஜயகுமாரி, நண்டு பட நாயகி இப்படி… மகேந்திரன் காட்டவிரும்பும் பெண்கள் விமர்சனத்திற்குரியவை.

  • Pichaikaaran Sgl அவரது எல்லாப்படங்களும் பார்த்து இருக்கீங்க போல...இதைப்பற்றி விரிவா எழுதுங்க...எல்லோருக்கும் பயன்படும்


  • Gj Premkumar அதே போல்..ஆணாதிக்கம் நிறைந்து,ஐயா மகேந்திரனின் படங்கள்..

  • Riyas Qurana தோழர், ஆணாதிக்கம் நிறையாத தமிழப்படமே இல்லை. மகேந்திரனின் படங்களிலும்...

  • Gj Premkumar பெண்களை ஒன்றும் செய்ய இயலாதவர்களாய் காட்டிய விதத்தில் அவரின் பங்கு அதிகம் தோழரே..

  • Riyas Qurana முள்ளும் மலரில் படாபட் ஜெயலட்சுமி, உதிரிப்பூக்களில் அஸ்வினியின் தக்கச்சி, கை கொடுக்கும் கையில் ராஜலட்சுமி. துணை நாயகிகளாக காட்டும் பெண்களை அறிந்திருந்தால் இதைச் சொல்ல மாட்டீர்கள். 12 படங்கள் இயக்கியிருக்கிறார். தனக்கு பிடித்த படமான ”உதிரிப்பூக்களை” பிழைகள் குறைந்த படம் என்றுதான் சொல்லியிருக்கிறார். மிகப் பெரிய மனது.

  • Gj Premkumar துணை நாயகிகள் மட்டும்..மற்றபடி மனைவி என்பவள் ,அதே அஸ்வினி,ஷோபா..?

  • Riyas Qurana நாயகிகள் பற்றி மேலே குறிப்பிட்டிருக்கிறேன். படிக்க மறந்துவிட்டீர்கள் என நினைக்கிறென்.

  • Gj Premkumar Sorry..

  • Pichaikaaran Sgl அருமை Riyas Qurana .. ஜானியில்கூட ரஜினியை விட ஸ்ரீதேவியை ஒரு படி மேலாக காட்டி இருப்பார்...பூட்டாத பூட்டுகளில், தன் கணவன் கண் ஆப்பரேஷனுக்கு வைத்து இருந்த பணத்தை எடுத்து கொடுக்கும் பெண்ணை மறக்க முடியுமா

  • Riyas Qurana ஜொனி படத்தில், சுஜாதா பாடிய இரண்டாவது பாடல் என நினை்கிறேன். ” ஒரு இனிய மனது இசையை அழைத்துச் செல்லும்” அற்புதமான பாடல்.

  • Pichaikaaran Sgl Gj Premkumar விவாதத்தில் என்ன sorry? 
    a
  • Riyas Qurana தன் மனைவி வேறு ஒருவருடன் காதல்கொண்டு அவரோடு சென்று திரும்பவும், தனது கணவனிடம் திரும்பி வருகிறாள். அவளை அவன் ஏற்றுக்கொள்ளும் காட்சி... மிக அபூர்வமானது. இது என்ன படம்...?

  • Pichaikaaran Sgl Riyas Qurana நண்டு படத்தில் கதானாயகியின் தோழியை பவர்ஃபுல்லாக காட்டி இருப்பார் அல்லவா,...இதன் உள்ளீடு என்ன
  • Pichaikaaran Sgl Riyas Qurana நீங்கள் சொல்வது பூட்டாத பூட்டுகள்..தோழர் , அவர் படங்களில் துணை நாயகிகளை , நாயகிகளைவிட வலுவாக காட்டும் உள்ளீடு என்ன

  • Riyas Qurana அவரின் படத்தில் துணைநாயகி என்பது இருப்பதில்லை. ஒரு வசதிக்காக நாம் இப்படி சொல்ல வேண்டியிருக்கிறது. ஆனால், ஒரு சமாந்திரமாக, விமர்சனமாக பெண்களை உருவாக்கிக்காட்டிய படியே நகருவார். அமைதியான எதையும் ஏற்றுக்கொள்ளுபவள்தான் பெண் எ்ன்ற கருத்து நிலைபெற்றுவிடக்கூடாது என்பதற்காகவே, முற்றிலும் மாற்றமான ஒரு பெண்ணை சமாந்தரமாக உருவாக்குவார். அப்படிச் செய்வதால், ஆணாதிக்கத்தின் நிழலை படியவிடும் வாய்ப்பை தனது திரையிலிருந்து நீக்குகிறார்.

  • Gj Premkumar ஸாரி என்றது பேட்டரி லோ..அதனால் தோழரே..

  • Pichaikaaran Sgl ஹாஹா..... சூப்பர்....அடிச்சு ஆடுங்க

  • Riyas Qurana ஒரு இனிய மனது பாடலின் இணைப்பிருந்தால் இ்ங்கே தந்துவிடுங்கள். ... அனைவரும் மகேந்திரனை நினைக்கட்டும். அவரது தொலைபேசியின் ரிங்டோன் கூட அந்தப்பாடல்தான்.

  • Pichaikaaran Sgl Riyas Qurana எவ்வளவோ இருளாக இருந்தாலும் , அங்கு ஓர் ஒளி இருக்கும் என்பது அவர ப்டங்களின் பொதுக்கருத்தா... அந்த “துணை நாயகிகளை “ அந்த ஒளியாக கொள்ளலாமா?

  • Pichaikaaran Sgl Gj Premkumar புலி பதுங்குவது , பாய்வதற்காகத்தான் என நான் அறிவேன் 

  • Riyas Qurana ஒருவகைப் பிரகாசம்.
  • Gj Premkumar இங்கு பாடலைப் பற்றி அல்ல விவாதம் தோழரே..அவரின் பாத்திர படைப்பு..


  • Riyas Qurana சலிப்பு வரும்போது கேட்பதற்குத்தான் பாடல். கேட்டுப்பாருங்கள். விவாதிப்பதைவிட ரசிப்பது மிக அற்புதமான தருணம்.


  • Pichaikaaran Sgl மகேந்திரன் படங்களை நான் இப்போதுதான் பார்க்கிறேன்,, நீங்கள் எல்லாம் முன்பே பார்த்தவர்கள்...உங்களிடம் இருந்து அதிகபட்சம் தெரிந்துகொள்ள விரும்புகிறேன் Riyas Qurana Gj Premkumar

  • Gj Premkumar அவரின் ஆபார திறமை ஓரு வட்டத்திற்குள் நின்று விட்டது என்பதுதான் எனது ஆதங்கம்..

  • Pichaikaaran Sgl எப்படி சொல்கிறீர்கள்? கணவன் மனைவி உறவு , நடுத்தர குடும்ப பிரச்சனை , ஒரு சகோதரனின் பாசம், சிறுவயது ஈர்ப்பு , காமம் என பல தளங்களை அவர் தொட்டு இருக்கிறாரே

  • Riyas Qurana அவர் ஒருபோதும் தன்னை அபாரமான திறமையானவராக சொன்னதில்லை.

  • Riyas Qurana பூட்டாத பூட்டுக்கள் போன்ற கதையைத் தொடுவதற்கு தமிழ் சினமாவுக்கு இன்னும் காலம் பிடிக்கும் என நினைக்கிறென்.

  • Riyas Qurana நெ்ஞ்சத்தைக் கிள்ளாதே படத்திலிருந்து... பருவமே புதிய பாடல் பாடு என்ற பாடலை இணைத்துவிடுங்கள். இன்னுமொரு தேநீர்.

  • Pichaikaaran Sgl ரசிகனை அழ வைக்கும் சந்தர்ப்பங்கள் இருந்தாலும், அதை தவிர்ப்பது பற்றி என்ன நினைக்கிறீர்கள்



  • Gj Premkumar அப்படி பார்த்தால் பாலசந்தர் அதை விட அதிகமான கதைகளை கையாண்டவர்..

  • Pichaikaaran Sgl நம்மை அழ வைப்பதை தனது வெற்றியாக பாலச்சந்தர் கருதுவார்...மகேந்திரன் அப்படி நினைப்பதில்லை என்பது முக்கிய வித்தியாசம் என கருதுகிறேன் Riyas Qurana

  • Gj Premkumar ஒரு ரசனையோடு கொடுத்தவர் என்ற விதத்தில் மகேந்திரன் ஒரு படி மேலே நிற்கிறார் எனலாம்..

  • Pichaikaaran Sgl ஆமா ஆமா...அதைதான் சொல்றேன்..அழகியல்

  • Riyas Qurana கடும்கோபம் வந்தாலும், உரத்துப் பேசாத மனிதர்களையும், அவர்கள் தமது வலிகளையும் சந்தோசங்களையும், உள்ளுக்குள்ளே ரசிக்கும்படி ஆக்கிவைத்தவர். தலைமறைவு வாழ்க்கைபோன்ற ஒன்றை உறவுகளிடையெ இருப்பதை வெளிப்படுத்தியவர். பாலச்சந்தர், அழவைத்து பார்க்க முயற்சித்தவர். மகேந்திரன் உணர்த்தியவர்.

  • Pichaikaaran Sgl மகேந்திரன் படங்களில் பாடல்கள் பெரும்பாலும் பெண்களுக்கே கொடுக்கப்படுவது குறித்து ?

  • Gj Premkumar ஆனால் பாலசந்தர்'ன் பெண்கள் ஆளுமை திறன் மிக்கவர்கள்..

  • Riyas Qurana கதையின் முக்கியத்துவம் குறித்து... பாடல்கள் அமைவது வழக்கம். மெட்டி ஒலி காற்றோடு என் நெஞ்சைத் தாலாட்ட என்ற பாடலின் இணைப்பை தாருங்கள். இன்றுவரை வந்த எந்தப்பாடலும் இதற்கு நிகரில்லை என்றே சொல்லுவேன். கேட்டுப்பாருங்கள். அதில், மலையாள பாடகர் பிரேம்மானந்த் பாடிய ” சந்தககவிகள் பாடிடும் மனதில் இன்பக் கனவுகளே..” ஒரு அற்புதமான பாடலும் இருக்கிறது. இணைப்பு கிடைக்கட்டும்.



  • Pichaikaaran Sgl ஆணை பழிவாங்க , அவன் மூலம் கர்ப்பமாகும் கல்கி , சங்கீத் ஞானம் இல்லாமல் கண்வனை டார்ச்சர் செய்யும் சிந்து பைரவி , பாடகனை டார்ச்சர் செய்து பிறகு அவன் காலில் விழும் புது புது அர்த்தங்கள் என பாலச்சந்தர் படங்களில்தானே பெண்னடிமைத்தனம் உள்ளது?

  • Riyas Qurana நுால்வேலி சரிதா மட்டுமே போதும் அவருடைய நாயகிகள் நிங்கள் சொன்னதுபோல இல்லை என்பதற்கு. திருமணம் ஆகாமல் கற்பமாகிறாள். அவளை கடைசியில் கொலை செய்ய வேண்டி வருகிறது. சிந்து பைரவி கதை எல்லாம் தெரியும்தானே... முற்போக்கான பெண்கள் கடைசியில் தற்கொலை செய்வதுதான் முடிவா. இல்லாமல் வாழவைக்க முடியாதா?

  • Pichaikaaran Sgl Riyas Qurana காட்சிகளை தன் இசையால் மூழ்கடித்து விடுகிறார் என இளையராஜா மீது குற்ற்சாட்டு உண்டு,.ஆனால் மகேந்திரன் படங்களில் அழகாக, தேவையான இடங்களில் மட்டும் பின்னணி இசைக்கிறார்... சண்டைகளில் டிஷ்யூம் டிஷ்யூம் ஓசைகூட இல்லை...மகேந்திரன் படங்களில் இருக்கும் இசை குறித்து என்ன சொல்கிறீர்கள்

  • Riyas Qurana இளையராஜா அப்படி மூழ்கடிப்பதில்லை. அவரின் இசைக்கற்பனையின் வீச்சில் காட்சிகள் கலைந்துவிடுவதுண்டு. நிண்டுபிடிக்க முடியாயாமல் போவதுண்டு. பாலுமகேந்திரா, மகெந்திரனின் படங்களிலும், நிவாஸ், சிறிராம், போன்றவர்களின் கமெராவிலும் அது நடப்பதில்லை.

  • Riyas Qurana மெட்டி ஒலி காற்றோடு என்ற பாடலை கேட்டுப்பாருங்கள். ஒரு பெண் குரலை ஒரு இசைக்கருவிபோல மாத்திரமே பயன்படுத்தியிருப்பார்.

  • Pichaikaaran Sgl மெட்டி ஒலி படத்தில் அண்ணனும் தங்கையும் பாடுவதாக பாடல் வருமே...அது போல சகோதாரப்பாசத்தை காட்டும் பாடல்கள் வேறு வந்ததாக தெரியவில்லையே ( செண்டிமெண்ட் பாடல்கள் வேறு விதம்.. நான் சொல்வது அழகியலோடு கூடிய பாடல்)

  • Pichaikaaran Sgl அதுதான் நீங்கள் சொல்லும் சந்தககவிகள் பாடிடும் மனதில் இன்பக் கனவுகளே

  • Riyas Qurana ஆமா... மிக அருமையான பாடல். ஜெயமோகனுக்கு பிடிக்கும் என்று சொன்னதாக ஞாபகம் அப்போது எனது ரசனையில் சந்தேகம் வந்தது. பின்னர், அந்தப்பாடலைப் பாடிய பிரேமானந்தம் பற்றி கூறியதாக அறிந்தேன்....

  • Riyas Qurana கைகொடுக்கும் கை படத்தில் ”தாளம்பூவே வாசம் வீசு” அருமையான பாடல். அதுபோல, முள்ளும் மலரும் படத்தில் ஜென்சி பாடிய , அடி பெண்ணே பொன்னுாஞ்சல் ஆடும் இளமை. பாலுமகேந்திராவின் கமெரா, எனக்கு விருப்பமான நடிகை ஸோபா, என ஒரே கொண்டாட்டமாகவே இருக்கும். இணைப்பை தந்துவிடுங்கள்.
  • Pichaikaaran Sgl ”ஜெயமோகனுக்கு பிடிக்கும் என்று சொன்னதாக ஞாபகம் அப்போது எனது ரசனையில் சந்தேகம் வந்தது.” ஹா ஹா.... சீரியசான விவாதத்தில் ஒரு காமெடி இடைவேளை சூப்பர்

  • Pichaikaaran Sgl வாவ் வாவ் வாவ்,... நினவில் வைத்து இருந்து கொட்டுகிறீர்களே..ம்ம்ம்

  • Riyas Qurana எப்போதோ படித்தவைகள்தான், பார்த்தவைகள்தான், கேட்டவைகள்தான். நினைவிலிருந்தே எழுதுகிறேன். எனது ஞாபக சத்தியின்மீது அதிக நம்பிக்கை இருக்கிறது. ம்...ம்...ம்...

  • Pichaikaaran Sgl அந்த அளவுக்கு உங்கள் மனம் க்வர்ந்து இருக்கிறது
    41 minutes ago · Like · 1
  • Pichaikaaran Sgl பிற்காலத்தில் ஊர்பஞ்சாயத்து , சாசனம் என அவர் ஏன் நீர்த்து போனார்?

  • Pichaikaaran Sgl கலைக்கும் முதுமை உண்டா?

  • Riyas Qurana அவருடைய 12 படங்களில், 4 அல்லது 5 படங்கள்தான் கொண்டாடப்பட்டடுபவை. அதுவும் நம்மைப்போன்ற சிலர். அல்லது புதிதாக வரும் துணை இயக்கநர்கள் போன்றவ்களினால். ஜனவெளியை கைப்பற்ற முடியாது போய்விட்டது. ரஜனியை வைத்து எடுத்த கை கொடுக்கும் கை படத்திற்கும் அதுதான் நிலை.கலைக்கு முதுமை இல்லை. சிந்தனை என்பது காலத்தோடு நகர்ந்துகொண்டு வர வேண்டும். அது காலத்தை பிந்துமானால் எவ்வளவு திறயைமானவராக இருந்தாலும் அவர் பழசுபட்டுப்போய்விடுவார். ஜெயமோகன், இளையராஜா, என அதிக உதாரணங்களைச் சொல்லலாம். சிலருக்கு, தங்கள் இளமைப்பருவத்துக் காலமே தங்களோடு எப்போதும் இருக்கும். அந்தக்கால விசயங்களுடன் தங்கிவிட்டிருப்பார்கள். சிலர் மிக மெதுவாக சிந்திப்பவர்களாக இருப்பார்கள். புதிதாக வருபவைகளை ஏற்க்கமாட்டார்கள். ஒரு பத்தாண்டு கடந்துவிட்டால். தான் பறக்கணித்தவைகளை கொண்டாடுவார்கள். மிகச்சிலரே, காலத்திற்கு சமாந்தரமாக பயணிக்கக்கூடியவர்கள். சாரு, ராஜ சுந்தரராஜன் போன்றவர்கள். காலத்தோடு பயணிப்பதுதான் உயிர்ப்புமிக்கது. பின்தங்கும்போது, மிகப்பழசு பட்டுவிவார்கள்.
  • Pichaikaaran Sgl சுஜாதாவும் கடைசி வரை உயிர்ப்புடன் இருந்தார் என நினைக்கிறேன்..சரியா

  • Riyas Qurana ஆமா.... அவர்குறித்து அதிகமான விமர்சனங்கள் இருக்கிறது. அவர் எழுத்தாளரே இல்லை என்றுகூட, அவரது பிரதிகளை வைத்து சொல்லலாம். ஆனால், அவர் உயிர்ப்புமிகு இலக்கியச் செயற்பாட்டாளர்.

  • Riyas Qurana பிரபஞ்சன்,ஜெயகாந்தன்,சுஜாதா, போன்றவர்களை ஜனரஞ்சக வெளிக்குள்ளும் தள்ளிவிட முடியாது, நவீன வெளிக்குள்ளும் இழுத்து வைக்க முடியாது. இரண்டிலும் தமது செயல்பரப்பை விரிவுபடுத்தியவர்கள். இவர்களை கலைஞர்கள் என சொல்லலாம். இவர்களுடைய செயல்பாட்டை இன்னும் விரிவுபடுத்தி, நவீனப்படுத்தி கொண்டுசெல்ல முடிகிறவர்தான் தமிழின் சிறந்த இலக்கியச் செயற்பாட்டாளராக இன்றைய பொது உளவியல் ஏற்க்கும்.

No comments:

Post a Comment

NCcode enabled...மறுமொழியாக படங்களை சேர்க்க விரும்பினால் [im]பட முகவரி [/im]
உதாரணமாக [im]http://rajinifans.com/images/top_rajini.jpg[/im]

Followers- இவர்களின் லேட்டஸ்ட் போஸ்ட் என்ன? -http://blogs-lovedby-pichaikaaran.blogspot.com

விரைவான கருத்து பரிமாற்றத்துக்கு ....

hit

hit counter

Blog Archive

என்னை தெரியுமா - நான் சிரித்து பழகி கருத்தை கவரும் ரசிகன் என்னை தெரியுமா