மைக்ரோ கதைகள்

இன்று இருக்கும் நிலையில், பெரிய பதிவுகளை , கதைகளை பலர் படிப்பதில்லை... தலைப்பை மட்டும் பார்த்து விட்டு , வாழ்த்தியோ திட்டியோ பின்னூட்டம் இட்டு விடுகின்றனர்...

அவர்கள் வசதிக்காக , சின்னஞ்சிறிய கதைகள்...

*******************************************************************

இனிது, இனிது, வாழ்க்கை இனிது

சிலு சிலு வென காற்று . பறவைகள் சங்கீதம்.. கால் நீட்டி வசதியாக படுத்தான். இளையராஜா பாடலை வாய் முணுமுணுத்தது

இன்னும் கால் மணி நேரத்தில், ராக்போர்ட் எக்ஸ்பிரஸ், அவன் படுத்து இருந்த தண்டவாளத்தை கடந்து செல்லும்...


************************************************************************************************
உங்கள் விருப்பம்
ஆடை பிடித்து இருக்கிறதா... ? நகை பிடித்து இருக்கிறதா? அவளின் பெற்றோர் அன்பாக கேட்டனர்..

மாப்பிள்ளை பிடித்து இருக்கிறதா என கேட்க மறந்தனர்.

*********************************************************************************************************
நடிப்பு
சினிமாவில் , நடிப்பில் சிகரம் தொட்ட , நடிகர் அரசியலில் குதித்தார். தோல்வி அடைந்தார்,,

நடிக்க தெரியவில்லையாம்

**************************************************************************************************************
முடிவுரை
தொழில் நுட்ப கோளாறு.. அணு ஆயுத பட்டன் , தேவை இல்லாமல் அழுத்தப்பட்டது.

உலகமும், மூன்றாம் உலக யுத்தமும் முடிந்தன ...

*****************************************************************************************************************
பாவையின் , பார்வை !!
உயிர் காக்கும் , மருத்துவம் படித்த இளம் பெண் . என் உயிரை பறித்தாள்...

ஆயுதத்தால் அல்ல... அவள் பார்வையால்.....

************************************************
கி பி 2050
சென்ற ஆண்டு ... பெரிய விபத்து... அவம் ஆண் உறுப்பு முற்றிலும் சேதம்...

இன்று அவன் கர்ப்பம்...

****************************************************************************************
நன்றி மறப்பது நன்றன்று
" அவன் ரத்தம் சிந்தி, என் நாட்டுக்காக உழைத்தான்... என் உயிரை காத்தான் ... " என்றார் நாட்டின் அதிபர்..

" அதனால் தான் , இப்படி மெலிந்து காண படுகிறானா ? " நண்பர் கேட்டார் .

" அதனால் இல்லை.. ஆராய்சிக்கு ரத்தம் தேவைப்பட்டது... அப்போது உறிஞ்சிய ரத்தத்தால் , இப்படி ஆகி விட்டான்... இப்படி பட்ட நல்லவனின் ரத்தத்தை முழுதும் உறிஞ்சுவது , நன்றி உள்ள செயல் அல்லவே " என்றார் அதிபர்


***************************************************************************************************************
இதயம்

" கடவுளே.. எல்லோரையும் நேசிக்க ஆரம்பித்து விட்டேன்... அணைத்து பொருகள் மீதும் அன்பு பொங்குகிறது.. இப்போதுதான் , நீங்கள் என் இதயத்தில் குடி புகுந்து இருப்பது போல தோன்றுகிறது :" என்றான் அவன்

" இல்லை.. இப்போதுதான் நீ என் இதயத்தில் குடி புகுந்து இருக்கிறாய் " என்றார் கடவுள்

************************************************************************************************************************

செம்மொழி மாநாடும் , பிச்சைகாரத்தனமும் - பத்ரி அவர்களுக்கு பணிவான விளக்கம்

திரு . பத்ரி அவர்களின் வலைபதிவுகளை ரசித்து படிப்பவன் நான்.. அறிவியல் கட்டுரைகளை பாடம் படிப்பது போல , கவனமாக படிக்க கூடியவன்..

அவரரது சமிபத்திய பதிவு ஒன்று , என்ற புரிதலும் இல்லாமல் எழுதப் பட்டிருந்தது அவரை மதிப்பவன் என்ற முறையில் வருத்தப்படுத்தியது..

செம்மொழி மாநாட்டில் பொதுமக்கள் சிலர , அங்கிருந்து இலவசாமாக பொருட்களை சுருட்டி செல்ல ஆர்வமாக இருந்தார்களாம். . சாப்பாட்டை நிறைய வாங்கி வீனடித்தார்கலாம்.. எண்ணற்ற சால்வைகள், மேமண்டோக்களை எடுத்து சென்று விட்டார்களாம்.. ( அதிக பட்சம் 100 ரூபாய் மதிப்பு இருக்கும் என வைத்து கொள்ளுங்கள் )

"செம்மொழி அந்தஸ்து தமிழுக்கு வருகிறதோ இல்லையோ, பிச்சைக்காரன் அந்தஸ்து தமிழனுக்கு என்றுமே இருக்கும்." என்று முடித்து இருக்கிறார் அவர்...
தமிழன் பிச்சைகாரனாக இருக்கிறான் என்பது உண்மைதான் என்றாலும், கோபம் நியாயம்தான் என்றாலும், அவர் பிச்சைகாரர்கள் என சும்மா ஜாலிக்காக எடுத்து சென்றவர்களை சொல்வது தவறு... கோடிகணக்கான ரூபாய்களை , ஏழை மக்களின் வரி பணத்தில் இருந்து பிச்சை எடுத்து சாப்பிட்டதுதான்
உண்மையான பிச்சைகாரத்தனம்..

செம்மொழி மாநாட்டு வேண்டும் , வேண்டாம் என மாறு பட்டு கருத்து இருக்கலாம்... ஆனால், வேண்டாம் என கருத்து உள்ள பத்திரிகை கூட, கிடைக்கும் வாய்ப்பு வீணாக கூடாது, விளமபர பணத்தை இழக்க கூடாது என அலைந்ததுதான், சிறப்பு மலர்கள் வெளியிட்டதுதான் பிச்சைகாரத்த்தனம்...

தமிழர்கள் நன்றாக இருந்தால், நல்ல வேலையில் இருந்தால், நல்ல கண்டு பிடுப்புகள் நடந்தால், இயல்பாகவே தமிழ் வளர்ந்து விடும்.. ஆங்கிலத்தை எல்லாம் மாநாடு போட்டா வளர்த்தார்கள்...?

ஆனாலும் தமிழர்கள் கூடும் ஒரு நிகழ்வு நல்லதுதான்... அது தமிழ் அறிஞர்கள் தலைமையில் நடக்க வேண்டும்... அரசு பார்வையாளராக வேண்டுமானால் இருக்கலாம்..தேவையான உதவிகளை செய்து ஒதுங்கி நிற்க வேண்டும்...
இவ்வளவு ஆடம்பரம், செலவு எல்ல்லாம் ஒருவரை பாராட்ட மட்டும்தானே செலவிட பட்டது.... ?

இதை விட பெரிய கூட்டங்களை எல்லாம், சில அமைப்புகள் நடத்தி உள்ளன,, உண்மையில் ஆர்வம் இருப்பவர்கள் மட்டும் கூடுவார்கள்... போலிசார யாரும் இல்லாமலேயே, ஒழுங்குடன் , நேர்த்தியுடன் எல்லாம் நடக்கும்..

இங்கு நடத்தியர்வர்களோ, கலந்து கொண்டவர்களோ, தமிழ் உணர்வுடன் கலந்து கொள்ள வில்லை என்பதால்தான், ஆய்வரங்கை விட , சாப்பாடு இடத்தில் கூட்டம் அலைமோதியது..

வந்த பொது மக்களும், தங்களுக்கு உபகொயம்க எந்த நிகழ்ச்சியும் இல்லாதததால், கையில் கிடைத்தை வாங்கி செல்ல முனைந்தனர்... ( அது கூட இல்லை என்றால், அங்கு வந்து பயன் என்ன ? )

பத்ரி போன்ற நல்லவர்கள் அங்கு சென்று இருக்கவே கூடாது... வந்தவர்களுக்கு , நம் பணம் இப்படி வீணாகிறதே என்ற ஆதங்கத்தில், நடத்துபவர்களுக்கு இழப்பை ஏற்படுத்துவோம், என்ற நினைப்பில், கையில் கிடைத்ததை எடுத்து சென்று இருக்கலாம்.. அவர்கள் மனசாட்சி தை தடுக்காது... ஏனென்றால், அவர்களை பொறுத்துவரை, அங்கு நடப்பது ஒரு நியாயமான நிகழ்ச்சி அல்ல..

ஆனாலும், பத்ரி போன்ற நடுநிலையாளர்கள் பாதிக்கபட்டது, இழப்பை சந்த்தித்து வருந்தத்தக்கதுதான்.. அனால், பொது மக்களை மட்டும் குறை கூறி பயன் இல்லை...

புகை வண்டியில் , பல நேரங்களில், முன் பின் தெரியதர்வகளிடம் , நம் உடமையை பார்த்து கொள்ள சொல்லி விட்டு தண்ணீர் குடிக்க செல்வோம்.. நம்பிக்கை அவர்கள் காப்பாற்று வார்கள்..

அடிப்படையில் தமிழர்கள் நல்லவர்கள்...

அனால் மனோதத்துவ அடிப்படையில், நாம் இருக்கும் இடத்தை பொறுத்து நம் மனநிலை மாறும்...
செம்மொழி மாநாட்டுக்கு வரும் போதே, திருட வேண்டும் என யாரும் வந்து இருக்க மாட்டார்கள்... அங்கு இருந்த ஆடம்பர , போலித்தன நிகழ்ச்சியை பார்த்து, நாமும் தவறு செய்யலாம் என்ற உணர்வு தோன்றி இருக்க கூடும்...


இதை வைத்துக்கொண்டு என்ன சாதனை செய்துவிடப் போகிறார்கள் என்று புரியவில்லை. என பாவமாக கேட்கிறார் பத்ரி... ஒன்றும் செய்ய மாட்டர்கள்..குப்பை தொட்டியில் எறிந்து இருப்பார்கள்...அதை வைத்து அவர்கள் ஒன்றும் மாடி வீடு கட்ட போவதில்லை...

எனவே அவர்களை சொல்லி குற்றம் இல்லை... உண்மையிலேயே , திட்டமிட்டு பிச்சை எடுத்தது யார் என்றால், அது பத்திரிக்கைகள்தான்.

ஒரு சம்பவத்தை பார்வையாளனாக இருந்து பார்த்து , மக்களுக்கு ரிபோர்ட் செய்ய வேண்டியவர்கள், தாமும் அந்த ஜோதியில் கலந்து விட்டது, ஒரு மாபெரும்சோகம்

கம்யூனிசம்,முதலாளித்துவம்,பாசிசம்-ஜாலி அலசல்

செமொழி மாநாட்டுக்கு அடுத்த படியாக ,இன்று பலரும் கம்யூனிசம் , முதலாளித்துவம் என பேசிகிறார்கள்.. இதெல்லாம் என்ன என குழப்பமாக இருப்பதால், இதை பற்றிய எளிய சிந்தனை... விரிவானதோ, முழுமையானதோ அல்ல...
***********************************************************************

உலகில் நடக்கும் எல்லா பிரச்சினைகளுக்கும் காரணம் முதலாளித்துவம்தான். அதை ஒழித்தால் எல்லாம் சரியாகி விடும் என்பது ஒரு பார்வை..

கம்யூனிசம் என்றாலே கொடூரம்தான். சர்வாதிகாரம்தான். ஹிட்லரால் கொல்ல பட்டவர்களை விட , கம்யூனிச ஆட்சியில் கொல்ல பட்டவர்கள் அதிகம் என்கின்றனர் சிலர்..

எல்லோரும் வேலை செய்ங்க... உங்க தகுதிக்கான வேலை , கொடுக்கப்படும். .. உங்களுக்கு எவ்வளவு தேவையோ , அது நிர்ணயிக்கப்பட்டு , அரசே உங்களுக்கு வழங்கும்.. வீடு , மருத்துவ வசதி என எல்லாமே அரசு பார்த்து கொள்ளும்... அரசே தொழில் நடத்தும் என்பதால், முதலாளிகள் - தொழிலாளிகள் என்ற பேதம் வராது.
இதனால் , ஏழை பணக்காரன் என்ற வேற்றுமை நீங்கும்.. எல்லோரும் ஒன்றுதான்...

நல்லதுதானே என தோன்றுகிறது...

அம்பானியும் நானும் ஒன்றுதான் என்றால் சந்தோஷம்தானே...

அனால், ரொம்ப சந்தோஷ படதே என்கின்றனர் இன்னொரு தரப்பினர்..

அம்பானியும் நீயும் மட்டும் ஒன்றல்ல... வேலை பார்க்காமல் பொறுப்பில்லாமல் சுற்றி திரியும் உன் நண்பனும் நீயும் கூட , ஒரே இடத்தில் வைக்க படுவீர்கள்.. திறமைகேற்ப ஊதியம், உழைப்புகேற்ப ஊதியம் என்பதெல்லாம் அடிபட்டு போய், தேவைகேற்ப ஊதியம் என வந்து விடுவதால், ஊக்கத்துடன் உழைப்பவர்கள் முட்டாளாகி விடுவார்கள்... உழைப்பு மழுங்கி விடும்... முன்னேற்றம் பாதிக்கப்படும் என்கிறார்கள் இவர்கள்..

தேவைகேற்ப ஊதியம் - யாருக்கு எவ்வளவு தேவை என்பதை நிர்ணயிக்கும் இடத்தில் இருப்பவர்கள், முதலாளிகள் போல மாறி விடுவார்கள் என எச்சரிக்கிறார்கள் இவர்கள்...

சரி... அப்படி என்றால் நீங்கள் என்ன வழி முறையை பரிந்துரைக்கிறீர்கள் என்றால் அவர்கள் குழப்புகிறார்கள்..

நியாமான வழியில் உழை... போட்டியிடு ... முன்னேறு.... அரசு எந்த விதத்திலிம் தலையிடாது...

இப்படி செய்தால், புதிய தொழில்கள் பெருகும்... நிறைய பேருக்கு வேலை கிடைக்கும்.... திறமை அடிப்படையில், உழைப்பு அடிப்படையில் அனைவருக்கும் சம்பளம் கிடைக்கும்... எல்லோரும் மகிழ்ச்சியாக இருக்கலாம் என்கிறார்கள்..

சரி.. பன்னாட்டு நிறுவனத்துடன், ஏழை விவசாயி எப்படி போட்டியிட்டு ஜெயிக்க முடியும்?
திறமையை வளர்த்துக்கொள்ள வாய்ப்பு மறுக்கப்பட்ட , அடித்தட்டு மக்கள் சாக வேண்டியதுதான..
பலவீன மாணவர்கள் வாழ வழியில்லையா?
காசு சம்பாதிப்பதுதான் , நோக்கம் என்றால், கிராம பகுதிகளில் , பேருந்து இயக்க யாரும் முன் வர மாட்டார்களே என்றெல்லாம் கேட்டால் இவர்கள் பதில் சொல்வதில்லை..

உண்மையில் , அவரவர் சொல்வது அவரரர் தரப்பில் கொள்கை அளவில் சரியாக இருந்தாலும், நடை முறையில் இரண்டுமே இல்லை என்பதுதான் உண்மை...

உதாரணமாக, ஒரு கிராமத்தில் சிலர் பசு மாடுகள் வைத்து இருக்கிறார்கள் என வைத்து கொள்வோம்..

அவரவர் திறமையை பொறுத்து, மாட்டை பராமரிக்கும் தன்மையை வைத்து, பால் கறந்து சம்பாத்தித்து கொள்ளலாம். என்பது முதலாளித்துவம்.. எல்லோரும், அதிக பால் உற்பத்தி செய்ய ஊக்கத்துடன் உழைப்பார்கள் என்பது ப்ளஸ்.ஆனால், மாடு வாங்கும் வசதி இல்லாதவர்கள், பால் வாங்க காசு இல்லாதவர்கள் பாதிக்கப்படுவார்கள்..

எல்லா பாலையும் , கிராம நிர்வாகத்துக்கு கொடுத்து விடுங்கள்... அவர்கள், யாருக்கு என்ன தேவையோ அதை பிரித்து கொடுப்பார்கள் என்பது , கம்யூனிசம்...

ஏழை , பணக்காரன் என்ற வேறு பாடு இல்லாமல் , அனைவருக்கும் பால் கிடைக்கும் என்பது ப்ளஸ்

இப்படி செய்தால், மாட்டை நல்லபடியாக கவனத்து, அதிக பால் கறக்கும் ஆர்வம் குறையும் எம்பது ஒரு பிரசினை... நிர்வாகம் சுரண்டல் வேலையை ஆரம்பிக்கும் என்பது மாபெரும் பிரசஈனை...

பாலை பரித்தி கொண்டு, மாட்டையும், அதை வளர்ப்பவனை யும் கொன்று விடு என் பது பாசிசம்...

இதில் எந்த அ னுகூலமும் யாருக்கும் இல்லை... ஆனால் , இதுதான் , நடந்து வருகிறது...

தமிழன்னை மன்னிக்க மாட்டாள்.

செம்மொழி மாநாடு முடிந்தாலும், அதை பற்றி நடுநிலையாக கருத்து கூற யாருக்கும் தகுதி இல்லாமல் போய் விட்டதை பார்க்க வேடிக்கையாக இருக்கிறது..

அனைத்து பத்திரிகைகளுக்கும , அரசு தரும் விளம்பரம் தேவை.. கட்சியினர் தரும் விளம்பரங்கள் தேவை..

எனவே அவர்கள் , அதற்கு எதிராக எதுவும் பேச முடியாத சூழ்நிலை..

சிலர் அதை ஆரம்பத்தில் இருந்தே எதிர்த்து வருகிறார்கள்.. இப்போது நடந்து முடிந்த பின், அதை குறை சொல்வதும், அவ்வளவாக எடுபடாது.. அவர்கள் , கோரிதான் சொல்வார்கள் என்பது தெரிந்த விஷயம்தானே...

ஆடம்பரமான நிகழ்ச்சியை பார்த்து , வியப்படையும் பொது ஜனங்கள் கூட , அதில் வியப்பதற்கு எதுவும் இல்லை... அவர்கள் பணம் தான் இப்படி ஆடம்பரமாக செலவிட படுகிறது என்பதை மறந்து விடுகிறார்கள்... அங்கு செல்வதையே பெருமையாக நினைக்கும் அவர்களை போலவே , பதிவுலகமும் நினைத்து விட்டதால், அவர்களிடமும் , நேர்மையான பார்வையை எதிர் பார்க்க முடியாது...

ஆனாலும் ஒரு சில பதிவர்கள் மட்டும் நேர்மையான விமர்சனத்தை வழங்கி வருகின்றனர்.

பத்திரிக்கைகள் எல்லாம் நம்பக தன்மையை இழந்து விட்ட நிலையில், கடைசி நம்பிக்கையாக இருப்பது பதிவுலக்ம்தான்...

இவர்களும், அங்கு கிடைக்கும் சின்ன , சின்ன தற்காலிக சலுகைக்கு மயங்கினால், தமிழன்னை மன்னிக்க மாட்டாள்.

தமன்னா , நயன்தாரா - ஒரு தேடலின் சிணுங்கல் முடிவுகள்

சிலர் பெயர்களை google மூலம் சர்ச் செய்தால் , எத்தனை ரிசல்ட் கிடைக்கிறது...?

ஆராய்ச்சி முடிவுகள்...

ரஜினிகாந்த் - 2,94,000 கமல்ஹாசன் - 2,40,000

எம் ஜி ஆர் - 10,10,000 சிவாஜிகணேசன் - 1,88,000

குமுதம் - 4,71,000 ஆனந்த விகடன் - 2,51,000

தமன்னா - 3,67,000 நயன்தாரா - 3,06,000

நித்யானந்தா - 7,54,000 ஜக்கி வாசுதேவ் - 19,600

ஜெயமோகன் - 1,57,000 சாரு நிவேதிதா - 1,09,000

இந்தியா - 14,30,00,000 பாகிஸ்தான் - 4,61,00,000

சீனா - 42,50,00,000 இலங்கை - 1,74,00,000

நல்ல பதிவுகள் 13,70,000 மொக்கை பதிவுகள் - 1,61,000