Saturday, October 12, 2019

கத்ரி கோபால்நாத் காலமானார்

உலகப் புகழ்பெற்ற சாக்சபோன் இசைக்கலைஞர் கத்ரி கோபால் நாத் காலமான செய்தி வருத்தம் அளித்தது

டூயட் படத்தில் ஏ ஆர் ரகுமான் இவரை சிறப்பாக பயன்படுத்தியிருப்பார்

இவரது இசைக்கச்சேரிகளுக்கு எப்போதுமே நல்ல வரவேற்பு இருக்கும்

உலகப்புகழ் பெற்றவர் என்றாலும் மாங்காடு கிராமத்தில் காமாட்சியம்மன் ஆலயத்திலும் முழு அர்ப்பணிப்போடு  நவராத்திரி இசை விழாவில் கலந்து கொள்வார்

இந்த ஆண்டு இவர் வராததது இசை ரசிகர்களுக்கு ஏமாற்றம்.  இனி எப்போதுமே வர மாட்டார் என்பது மனதை வருத்துகிறது


Thursday, October 3, 2019

நடிக்க கற்றுக் கொடுப்பா.. கேஎஸ் ரவிகுமாரை கலாய்த்த சிவாஜி

சிவாஜி கணேசனை நடிப்பு அகராதி என்பார்கள். ஒரு சூழலில் எப்படி நடிக்க வேண்டும் என தெரிந்து கொள்ள அதேபோன்ற காட்சியில் அவர் எப்படி நடித்தார் என பார்த்துக் கொள்வது பல நடிகர்கள் வழக்கம்

ஒரு படத்தில் எப்படி நடப்பது என இயக்குனர் மேஜர் சுந்தர்ராஜன் சிவாஜிக்கு விளக்க தடுமாறினார். சிவாஜி உடனே பத்துவிதமாக நடந்து காட்டி , இதில் ஒன்றை தேர்வு செய்யுஙகள் என்றார்.  இயக்குனர் அசந்து விட்டார்

படையப்பா படத்தில் தனக்கு நடிப்பு சொல்லித் தரும்படி கே எஸ் ரவிகுமாரை செல்லமாக கலாய்த்த வரலாறும் உண்டு

சிவாஜி தன் சொத்துகள் அனைத்தையும் வில்லனுக்கு எழூதிக்கொடுக்கிறார். அவர் , மனைவி,  மகன் கையெழுத்துடுகின்றனர். கடைசியில் மகள் கைச்சான்று இடும்போது சிவாஜி கண்களில் கண்ணீர். காட்சியை விளக்கினார் இயக்குனர்

மகன் மனைவி கையெழுத்துப்போடும்போது அழுகை வராதா என சீண்டலாக கேட்டார் சிவாஜி

மகன் எப்படியாவது பிழைத்துக்கொள்வான்  மனைவியோ வாழந்து முடித்தவள். மகள்தான் பாவம். இனிமேல்தான் திருமணம் நடந்து வாழ வேண்டும். அதை நினைத்துதான் கண்ணீர் என்றார் கேஎஸ்ஆர்

சரி..  அழுது காட்டு என மீணடும் சீண்டினார் நடிகர்திலகம்

இயக்குனர் நடித்துக்காட்டினார்

எப்படிப்பா கண்ணீர் வரவழைச்ச என கேட்டார் சிவாஜி

நான் என் மகளை நினைச்சுக்கிட்டேன் சார் என்றார் கேஎஸ்ஆர்

அதன்பின் அந்த காட்சியை பிரமாதமாக நடித்துக் கொடுத்தார் சிவாஜி

Monday, September 30, 2019

ஆடையால் வென்ற ஆவுடையப்பன் −புதையல்

பழைய குமுதம் இதழில் படித்த சுவையான கட்டுரை தங்கள் பார்வைக்கு

Thursday, September 26, 2019

கால் வடிவில் "அது"" . காட்டைக்காக்கும் பூச்சி

கறுப்பு வண்ணஉடலுடன் மஞ்சள் புள்ளிகளுடன் ஊரந்து செல்லும் இப்பூச்சி சிறுவர்களுக்கு ஆர்வமூட்டும் உயிரியாகும். தொட்டால் சுருண்டு கொள்வது சிறுவர்களுக்கு வேடிக்கையாக  இருக்கும். ஆபத்தற்ற பூச்சி என்பதால் பெரும்பாலானோர் இதை கொல்வதில்லை.. ம
கீழே கிடக்கும் இலைதழைகளை தின்று அவற்றை இயற்கை உரமாக்குவதால் இவை நன்மை செய்யும் உயிரியாக கருதப்படுகிறது.. காட்டின் 50% தாவர குப்பைகளை காலி செய்பவை இவைதான். அவற்றை தின்று உரமாக்கி, மண்ணுக்களிக்கின்றன
காடுகளின் அழிவின்மைக்கு  இந்த பூச்சிகளும் காரணமாகும். இவை அழியின் வனங்கள் பாதிப்படையும். ஆனால் அவற்றுக்கு எதிரிகள் அதிகம் இல்லை என்பதால் இவை அழியும் வாய்ப்புகள் குறைவு..  ஏதேனும் சிறுபூச்சிகள் இவற்றை தாக்க முயன்றால் ஹைட்ரஜன் சயனைட் விஷத்தை வெளியேற்றி அவற்றை கொன்றுவிடும்.  பெரிய விலங்குகளுக்கோ மனிதனுக்கோ இந்த விஷத்தால் எந்த அபாயமும் இல்லை
பெண் பூச்சிக்கு 32 கால்கள்.. ஆண் பூச்சிக்கு 32கால்கள் போல தோன்றினாலும் 31 மட்டுமே கால்கள். ஒன்று கால் இல்லை. இனப்பெருக்க உறுப்பு
இந்த பூச்சி குறித்து நம் பழைய இலக்கியங்களில் எந்த குறிப்புகளும் இல்லை. காரணம் இவை நம் நாட்டு பூச்சி இல்லை

அதனால் நல்ல தமிழ்ப்பெயர் இதற்கு இல்லை. ரயில் பூச்சி. அட்டைப்பூச்சி என பேச்சுவழக்கில் அழைக்கிறார்கள்


Monday, September 9, 2019

ஆதரவின்றி கண் மூடிய கலைஞன்

கல்லூரி வைரமுத்துவின் முதல்பாடலான பொன்மாலைப்பொழுது பாடலில் நடித்த ராஜசேகர் அந்த கால லட்சியவாத இளைஞன் வேடத்தில் கச்சிதமாக பொருந்தினார்.
உண்மையிலேயே லட்சியவதாக இளைஞனாகத்தான் இருந்தார். தன் நண்பர் ராபர்ட்டுடன் இணைந்து பல நல்ன படங்கள் தந்தார்.   ஒரு தலை ராகம் படத்தில் இவர் பங்களிப்பு முக்கியமானது. ஆனால் அதற்கான அங்கீகாரம் கடைசி வரை கிடைக்கவே இல்லை.
பெரிய கனவுகளுடன் சினிமாவுக்கு வந்த அக்கலைஞன் மெகாசீரியல் நடிகன் ஆனார்.

மருத்துவமனை கட்டணம் செலுத்த இயலாமல் சிகிச்சையில் தாமதம் ஏற்பட்டதெல்லாம் பெருங்கொடுமை

அவரது அறிவோ கலையார்வமோ நடிகன் எனும் புகழோ அவருக்கு உதவவில்லை...

தமிழகம் தலை குனிய வேண்டிய நிகழ்வு

Thursday, September 5, 2019

வெற்றிக்கு ஷார்ட்கட் மந்திரம்

சுப்ரமண்யரும் முருகனும் வெவ்வேறா..

விநாயகர் இறக்குமதி கடவுளா என்பவை எல்லாம் ஆய்வு மாணவர்களுக்கு அவசியம்..

தேடலுடன் இருப்போர்க்கு அந்த ஆய்வு முக்கியமன்று.. அனுபவமே முக்கியம்.

மலைக்கோட்டை உச்சிப்பிள்ளையாரைவிட கீழ்மண்டப விநாயகர் சக்தி வாயந்தவர் என எழுத்துச்சித்தர் சொன்னார். அது உண்மை என நேரடியாக உணர்ந்தேன். ஆர்வமிருப்பின் சென்று பாருங்கள். உணர்ந்தால் ஓகே. இல்லாவிட்டால் இது நம் கடவுள் இல்லை என விலகுங்கள். அவர் சொன்னார் இவர் சொன்னார் என்பது உங்கள் முடிவை தீர்மானிக்கலாகாது. நீங்களே உங்களுக்கு விளக்கு.

வெற்றிக்கான எளிய சுருக்கமான ஸ்லோகம் இது
ஶ்ரீசங்கஷ்ட நாசன கணேச ஸ்தோத்திரம்
எனக்கு செட் ஆனது. ஆர்வமிருப்பின் முயலுங்கள்


ஶ்ரீ கணேசாய நமஹ
நாரத உவாச:

ப்ரணம்ய சிரஸா தேவம் கொளரி புத்ரம் விநாயகம்
பக்தா வாசம் ஸ்மரே நித்யம் ஆயுட்காமர்த்த சித்தயே

ப்ரதமம் வக்ரதுண்டம்ச ஏகதந்தம் த்விதீயகம்
த்ரூதீயம் க்ருஷ்ணபிங்காக்‌ஷ்ம் கஜவக்த்ரம் சதுர்த்தகம்.

லம்போதரம் பஞ்சமம் ச ஷஷ்டம் விகட மேவ ச
ஸபதமம் விக்நராஜம் ச தூம்ரவர்ணம் ததாஷ்டகம்

நவமம் பாலசந்த்ரம்ச தசமம் து விநாயகம்
ஏகாதசம் கண்பதிம் த்வாதசம்து கஜானனம்

த்வாதசைதானி நாமானி த்ரி ஸந்த்யம் ய:படேந் நர:
ந ச விக்ன பயம் தஸ்ய ஸர்வ ஸித்திகரம் ப்ரபோ

வித்யார்த்தி லபதே வித்யாம் தனார்த்தீ லபதே தனம்
புத்ரார்த்தீ லபதே புத்ரான் மோக்ஷார்த்தீ லபதே கதீம்

ஜபேத் கணபதி ஸ்தோத்ரம் ஷட்பீ மாஸை: பலம்லபேத்
ஸம்வத்ஸரேண ஸித்திம்ச லபதே நாத்ர ஸம்சய:

அஷ்ட்ப்யோ ப்ராஹ்மணேப்யச்ச லிகித்வாய: ஸமர்ப்பயேத்
தஸ்ய வித்யா பவேத் ஸர்வா கணேசஸ்ய ப்ராஸாததா:

இதி ஸ்ரீ நாரத புராணே சங்கஷ்ட நாசனம்
நாம ஸ்ரீ கணபதி ஸ்தோத்ரம் சம்பூர்ண

Wednesday, June 19, 2019

உண்மையான் வெப்பமும் உணரும் வெப்பமும் - அறிவியல்


கோடைக்காலத்திலேயே கூட சில நாட்கள் ஓரளவு வெப்பம் குறைவாக இருப்பதாக தோன்றும்.. சில நாட்கள் புழுக்கமாக இருக்கும்.

ஏன் ?

38 டிகிரி வெப்ப நிலைதான் இருப்பதாக சொல்கிறார்கள் . ஆனால் ஏன் இந்த மாற்றத்தை உணர்கிறோம்

வெப்ப மானியில் காட்டும் அளவைத்தான் பேப்பரில் பார்க்கிறோம்.. ஆனால் இது மட்டுமே போதுமானது அல்ல.

பொது இடங்கள் சிலவற்றில் டிஜிட்டலில் வெப்ப நிலையை பார்க்கும் வசதி உண்டு.. வெப்ப நிலை , காற்றின் ஈரப்பதம் , காற்றின் வேகம் .. இவையும் தெரியும்

இம்மூன்றும் சேர்ந்துதான் , நாம் எவ்வளவு வெப்பத்தை உணர்கிறோம் என்பதை தீர்மானிக்கும்

உதாரணமாக ,   நான் இதை டைப் செய்யும்போது  , வெப்ப மானியில் தெரியும் வெப்ப நிலை 36 டிகிரி செல்சியஸ்.. காற்றின் வேகம் 19 கிமீ / மணி
 காற்றின் ஈரப்பதம் 45 %

இப்படி இருந்தால் நான் உணரும் வெப்பம்  37.5 டிகிரி

அதாவது வெப்ப மானி காட்டும் அளவை விட அதிக வெப்ப நிலையை உணர்கிறேன்

காற்று சற்று நன்றாக வீசும் இடத்தில் குறைவான வெப்பத்தை உணர்வார்கள்

  நாகர் கோயில் போன்ற ஊர்களில் வெப்ப நிலை குறைவு,, காற்றின் வேகம் அதிகம்.. எனவே சென்னையை விட வெப்பம் மிகவும் குறைவு

சில  ஊர்களில் காற்றின் ஈரப்பதம் குறைவு..அதனால் அங்கும் ஒப்பீட்டளவில் சென்னையை விட நன்றாக இருக்கும்

ஈரப்பதத்தை ஏன் சத விகிதத்தில் குறிப்பிடுகிறார்கள்?

30% ஈரப்பதம் என்றால் இன்னும் 70% இடம் காலியாக இருக்கிறது என பொருள்

ஈரப்பதம் அதிகரிக்க அதிகரிக்க புழுக்கம் அதிகரிக்கும்.. ஓரளவுக்கு மேல் காற்றால் அவ்வளவு ஈரத்தை தாங்க முடியாத நிலையில் மழை பெய்கிறது

புழுக்கமா இருக்கு.. மழை பெய்யும்போல என நம் ஆட்கள் இப்படிதான் கணிக்கிறார்கள்

நம்மை விட எறும்புகள் , பறவைகள் போன்றவை இப்படி மழையை கணித்து முன்னேற்பாடுகள் செய்து கொள்கின்றன


 

Saturday, June 15, 2019

தமிழ் எழுத்தாளனை கண்ணீர் கடலில் ஆழ்த்திய ஹோட்டல் ரிசப்ஷனிஸ்ட்


முடிவு எடுக்க உனக்கு பத்து நிமிடங்கள் தருகிறேன்.. நல்ல முடிவாக சொல் என்றான் அவன்
பத்து நிமிடம் முடிந்தது

 நல்லது? “ என்றபடி அவள் முகத்தை பார்த்தான்
--

இப்படி ஒரு மொழி பெயர்ப்பு  நாவலில் படித்தேன்

என்ன எழவு இது.. இந்த சந்தர்ப்பத்தில் ஏன்  “ நல்லது “ என்கிறான் என ஐயப்பட்டு மூல நூலை பார்த்தேன்

“ well ? "  என இருப்பதைத்தான் , நல்லது ? என மொழி பெயர்த்து இருக்கிறார்கள்

தமிழில் மொழி பெயர்ப்பு இப்படித்தான் என முடிவு கட்ட முடியாது

வெ, ஸ்ரீராம் போன்றோர் மொழி பெயர்ப்புகள் , தமிழ் இலக்கிய உலகில் ஆழமான பாதிப்புகள் உருவாக்கின என்பது உண்மை

எனவே ஃபிரஞ்ச் இலக்கியமும் நானும் என்ற தலைப்பில் அவர் பேசுகிறார் என்பதை அறிந்து உரை நடக்கும் இடத்துக்கு சென்று விட்டேன்

ஆறு மணி நிகழ்ச்சி என்றால் 7 மணிக்கு வருவது  நம் இயல்பு. ஆனால் நான் ஐந்து முப்பதுக்கே சென்று விட்டேன்.. என் போல பலரும் சீக்கிரமே வந்து இருந்தது ஆச்சர்யம்.. மகிழ்ச்சி

குளிரூட்டப்பட்ட நவீனமான அறை.. அரங்கு நிறைந்து இப்படி ஒரு நிகழ்ச்சி நடப்பது மகிழ்ச்சி அளித்தது

சரி..அவர் பேசியதில் சில பகுதிகளை காண்போம்
---------------------------------

70களில் நான் ஃபிரெஞ்ச் கற்று வந்தேன். அதன் உயர் நிலை கல்வியின் ஒரு பகுதியாக ஃபிரெஞ்ச் இலக்கியங்களை படிக்கும் சூழல் அமைந்தது.. முக்கியமான ஃபிரெஞ்ச் எழுத்தாளர்கள் எனக்கு அறிமுகம் ஆனது இப்படித்தான்

அது சிற்றிதழ்கள் தீவிரமாக இயங்கிய பொற்காலம்.. பிரஞ்ஞை பத்திரிக்கையுடன் எனக்கு நல்ல தொடர்பு இருந்தது.. ரவி சங்கர் , வீராசாமி ஆகியோர் மொட்டை மாடியில் அமர்ந்து நேரம் போவது தெரியாமல் விவாதிப்போம்

அப்போது ஃபிரஞ்ச் நூல்கள் ஆங்கில வழியாகவே மொழி பெயர்க்கப்பட்டு தமிழில் வெளி வந்து கொண்டு இருந்தன

 நேரடியாக ஃபிரெஞ்ச் மொழி பெயர்ப்பில் தமிழில் கொண்டு வரலாமே என பேசி முடிவெடுத்தோம்

நான் ஆரம்பத்தில் மொழி பெயர்க்க ஆரம்பித்தது ஆல்பர்ட் காம்யூ’வின் பிளேக் ( கொள்ளை நோய் ) நாவலைத்தான்

ஆனால் இந்த நாவலை விட அன்னியன் நாவலே மேலும் செறிவானது.. பூடகமானது என முடிவெடுத்து அன்னியன் நாவலில் இறங்கினேன்

இப்படித்தான் அன்னியன் நாவல் தமிழுக்கு வந்தது

பார்ப்பதற்கு எளிய சிறிய நாவலாய் தோன்றும். ஆனால் எளிமை என்பது மாயத்தோற்றமே.. உள்ளார்ந்த பல அடுக்குகளை கொண்ட நாவல் இது

முதல் பகுதி ஒரு நடை..இரண்டாம் பகுதி இன்னொரு நடை

அது ஏன் என்பதற்கு நாவலிலேயே விளக்கம் இருக்கும்

இலக்கியத்தில் மறக்க முடியாத முதல் வரிகள் என சில உண்டு

அப்படி ஒரு மறக்க முடியாத முதல் வரி இதில் வரும்

அம்மா இன்று இறந்து விட்டாள்

இதுதான் முதல் வரி

அம்மா இன்று இறந்து விட்டாள் . அல்லது நேற்றாகவும் இருக்கலாம். எனக்கு உறுதியாக தெரியாது. தந்தி இப்படி சொல்கிறது “ அம்மா இறந்து விட்டாள் . நாளை இறுதி சடங்கு. ஆழ்ந்த அனுதாபங்கள் “

பாருங்கள்.. முதல் வரிகளிலேயே நேற்று , இன்று , நாளை என மூன்றும் வந்து விடுகிறது. நிச்சயமின்மையும் வருகிறது. இந்த அம்சம் நாவல் முழுக்க வருகிறது

ஆங்கில மொழி பெயர்ப்பாளர்கள் தெரியாமலோ , வேண்டுமென்றோ சிலவற்றை திரித்து மொழி பெயர்த்தனர். அது தமிழில் மேலும் சிதைந்து விடுகிறது. ஆக , மூல நூலில் சாரம் கிடைக்காமல் போகிறது

என்னைப்பொருத்தவரை , மூல நூலில் நான் உணர்ந்த தாக்கம் , மொழி பெயர்ப்பில் கிடைக்க வேண்டும் என உறுதியாக இருப்பேன்

மீள முடியுமா என்பது சார்த்தர் எழுதிய  நாடகத்தின் மொழி பெயர்ப்பு.. Closed door , No exit ஆகிய தலைப்புகளில் இதன் ஆங்கில மொழி பெயர்ப்புகள் வந்தன

மூடிய கதவுக்கு பின்னால் .. என மர்ம நாவல் போல தலைப்பு வைக்க விரும்பவில்லை. மூல நூலை ஊன்றி படித்த பின்பு , மீள முடியுமா என்பதே பொருத்தமான தலைப்பு என முடிவெடுத்தேன்

இறந்த பின் , மீளா நரகம் செல்லும் சிலர் தான் இந்த நாடக கதாபாத்திரங்கள்.. அவர்கள் அடையும் வாழ்க்கை குறித்த தரிசனம்தான் நாடகம்

நரகம் என்பது எண்ணெயில் போட்டு நம்மை வறுக்கும் இடம் அல்ல.. உண்மையில் நம் நரகத்தை உருவாக்குபவர்கள் நம்முடன் சேர்ந்து வாழும் பிறர்தான்.. அதாவது நம் வாழ்க்க்கை முழுக்க முழுக்க பிறரால் தீர்மானிக்கப்படும் ஒன்றாக இருக்கிறது என்பதே நாவலில் தரிசனம்

எழுத்தாளர் இமையம் இதை படித்து விட்டு , என்னை நேரில் பார்க்க வந்து விட்டார். தன்னை எழுத்தாளனாக உருவாக்கிய நாவல் என்று அவர் இதை குறிப்பிடுவது வழக்கம்’

 ஒரு கதையில் குருவி ஒன்று வருகிறது.. அதற்கு என்ன தமிழ் பெயர் என தெரியவில்லை.. இதற்காக பறவை ஆய்வாளர்களுடன் பேசினேன்.. மேற்கு தொடர்ச்சி மலைபகுதி வாழ் மக்களிடம் பேசினேன்

கதையில் வரும் குருவின் தோற்றத்தை பண்புகளை சொன்னதும் அதன் தமிழ்ப்பெயரை அவர்கள் சொன்னார்கள்

தைலான் குருவி

அது ஒரு போதும் தரையில் அமராது.. மரங்களில் கூரைகளில் சுவர்களில் அமரும்.. தரைக்கு வராது.. தரை இறங்கான் குருவி மருகி தைலான் ஆகி விட்டது

இப்படி ஒரு சொல்லுக்காக உழைக்க வேண்டி இருக்கிறது

இறந்தோருக்காக தூக்கம் துறக்கும் கிறிஸ்தவ சடங்க்குக்கு எஸ் வி ராஜதுரை மற்றும் பாதிரியார்களுடன் விவாதித்து , நீத்தார் கண் விழிப்பு என்ற சொல்லை உருவாக்கினோம்


அந்த்வான் து செந்த் - எக்சுபெரி எழுதிய காற்று மணல் நட்சத்திரங்கள் , குட்டி இளவரசன் போன்றவற்றை மொழியாக்கம் செய்திருக்கிறேன்


ஃப்ரான்சில் நான் படிக்க சென்றிருந்தபோது , என்னை ஒரு நிகழ்ச்சிக்கு அழைத்தனர்.. ஹோட்டலில் தங்க வைத்தனர்

ஹோட்டல் பணியாளர்களும்கூட என் மொழி பெயர்ப்பு பணியை அறிந்திருந்தனர்

எக்சுபரி இந்த ஹோட்டலில்தான் தங்குவார்... என ரிசப்ஷனிஸ்ட்  சொன்னபோது எனக்கு அளவு கடந்த மகிழ்ச்சி

அது மட்டும் அல்ல.. உங்களை கௌரவிக்கும்வண்ணம் , அவர் வழக்கமாக தங்கும் அறையையே உங்களுக்கு அளித்துள்ளோம் என அவர் சொன்னபோது எனக்கு கண்ணீர் வந்து விட்டது


Friday, June 14, 2019

பாரதியாரின் தம்பியிடம் துணிகர கொள்ளை - குற்றவாளிகள் யார் ?

Nellaiappar.jpg (275×389)

பாரதியார் தம்பி என அழைக்கப்பட்டவர் பரலி நெல்லைப்பர்..இவர் மட்டுமல்ல.. இவர்தம் அண்ணன் தம்பியரும்கூட அந்த காலத்தில் தேச விடுதலைக்கு உழைத்தனர்..

வ உ சி , பாரதியார் ஆகியோருடன் நெருக்கமாக இருந்தனர்

பரலி நெல்லையபர் வ உ சி யின் கப்பல் நிறுவனத்தில் வேலை பார்த்து வந்தார்.. அவரே ஒரு பணியாளர்தான் என்றாலும் பாரதியார் உரிமையுடன் பொருளதவி கேட்கும் அளவுக்கு பாரதிக்கு நெருக்கமாக இருந்தார்

பாரதியார் காலமான போது அவர் இறுதி ஊர்வலத்தில் கலந்து கொண்ட வெகு சிலரில் இவரும் ஒருவர்.. பாரதி உடலை சுமந்தவர்களில் ஒருவர்

சுதந்திர போராட்டத்தில் பல முறை சிறைக்கு சென்றுள்ளார்

பத்திரிக்கை நடத்தியுள்ளார்.. நூல்கள் எழுதியுள்ளார்

சேவை நோக்கத்தில் செய்த தொழில்களால் பொருள் கரைந்தது

வறுமையில் வாடிய இவர் நிலையை காமராஜர் கவனத்துக்கு கொண்டு சென்றார் பாரதியின் புதல்வியார் சகுந்தலா

பதறிப்போன காமராஜர் சென்னை குரோம்பேட்டையில் 5 ஏக்கர் நிலம் வழங்கினார்.

அதில் ஒரு பகுதியை  விற்று தன் கடன்களை அடைத்தார்.. கொஞ்சத்தை தலித் மக்களுக்கு எழுதிக்கொடுத்தார்.   மிச்சம் இருந்த 5000 ஆயிரம் சதுர அடி இடத்தை பள்ளி அமைக்க உயில் எழுதி வைத்தார்

ஏழை குழந்தைகள் படிக்க இந்த பள்ளி வெகுவாக உதவியது
தற்போதைய நிலை ( 14.06.2019)

1998ல் இந்த பள்ளியை நகராட்சி மூடி விட்டது

மரங்கள் சூழ்ந்த அந்த அழகிய இடம் இப்போது சமூக விரோதிகள் தங்கிச்செல்லும் கூடாரமாகி விட்டது

மீண்டும் பள்ளி நடத்த வேண்டும் என மக்கள் கோரிக்கை எழுப்பவே ,  நகராட்சி ஒரு முடிவுக்கு வந்தது

அந்த இடத்தை தெரு நாய்களை பிடித்து கருத்தடை செய்யும் இடமாக மாற்ற நடவடிக்கை எடுத்தது

மக்கள் கடுமையாக எதிர்க்கவே அந்த திட்டம் கை விடப்பட்டது

கை விடப்பட்ட அந்த இடத்தை கைப்பற்ற அரசியல்வாதிகள் சிலர் முயற்சி செய்கின்றனர்
பரலியார் திருமணம் செய்து கொள்ளவில்லை.. ஆனால் பூங்கோதை என்ற பெண்ணை தத்தெடுத்தார்

அவரது மகன் தான்  (பரலியாரின் மகள் வழி பேரன் ) ஒரே வாரிசு என்பதால் , அவர் சாவதற்காக காத்திருக்கின்றனர் . அவர் மறைந்ததும் ,  அந்த இடம் அபகரிக்கப்பட்டு விடும்

ஒரு தியாகிக்கு இப்படி ஒரு துரோகம் செய்ய நம் அரசியல்வாதிகள் முயற்சித்தாலும் , குமரி அனந்தன் மட்டும் தன்னால் இயன்ற அளவு இந்த இடத்தை மீட்க முயன்று வருகிறார்

மீண்டும் பள்ளி நடத்த அல்லது பரலி நெல்லையப்பர் நினைவு மண்டபம் அமைக்க முயற்சிகள் செய்து வருகிறார்

திருடர்கள் ஜெயிப்பார்களா.. தியாகி ஜெயிப்பாரா என பொறுத்து இருந்துதான் பார்க்க வேண்டும்

சில ஆண்டுகள் கழித்து , குரோம்பேட்டை , பாரதிபுரம் , நெல்லையப்பர் தெரு சென்று பாருங்கள்..

பள்ளி இதே நிலையில் இருக்கிறதா... புதிய பள்ளி / நினைவு மண்டபம் இருக்கிறதா அல்லது பல அடுக்கு குடியிருப்பு வளாகம் இருக்கிறதா என பாருங்கள்


 நம் கண் முன்னே ஒரு கிழவனின் சொத்தை சிலர் அடித்து பிடுங்கினார்கள் என்பதற்கு சாட்சியாக , எதற்கும் அந்த தற்போதையை நிலையை ஒரு முறை  நேரில் சென்று பார்த்து விடுங்கள்


பிகு..
குமரி அனந்தனை இலக்கிய நிகழ்ச்சிகளில் அவ்வப்போது பார்க்கலாம்

ஒரு நாள் , கசங்கிய ஆடை , சவரம் செய்யப்படாத முகம் , பலவீனமான உடலுடன் , ஒருஇலக்கிய நிகழ்ச்சிக்கு வந்து விட்டு , ஆட்டோக்காரர் ஒருவருடன் பேரம் பேசிக்கொண்டு இருந்தார்.. எம் ஜி ஆர் , கலைஞர் , இந்திரா காந்தி , ரஜினி , நரசிம்ம ராவ் என பலருடன் நெருக்கமாக இருந்தவரா இவர் என திகைப்புடன் நான் அவரை பார்ப்பதை கவனித்த ஒருவர் , என்னருகே வந்து என்னை மெல்ல தட்டிக்கொடுத்தார்
என் உணர்வுகளை அவர் புரிந்து கொண்டதை அறிந்து கொண்டேன்

Tuesday, June 11, 2019

கட்வுளை தின்பவர்கள் - இயக்குனர் ரஞ்சித் சர்ச்சை


 நீ மாட்டை சாமியாக கும்பிடுகிறாய் , நானோ உன் கடவுளையே தின்பவன் என இயக்குனர் ரஞ்சித் பேசியது சர்ச்சை ஆகி உள்ளது

ராஜராஜசோழன் ஆட்சிக்காலம் தமிழகத்தின் இருண்ட காலம் என்று சொன்னதும் பிரச்சனை ஆகியுள்ளது

கடவுளை தின்பது என்பது சர்ச்சைக்குரிய ஒன்று இல்லை

உண்ணும் வெற்றிலை , பருகும் நீர் எல்லாவற்றிலும் உன்னையே காண்கிறேன்.. உன்னை தின்று உன்னையே பருகுகிறேன் என்கிறார் ஆழ்வார்

என் மாமிசம் உண்மையான போஜனமாக இருக்கிறது.. என் ரத்தம் உண்மையான பானமாக இருக்கிறது என்கிறது என்கிறார் இயேசு..

என் கருத்துகளை உள்வாங்கிக்கொண்டு என்னைபோல உயரிய குணமுடையவராக மாறுங்கள்..என்னை நேசியுங்கள் என்பது பொருள்


ஆக , கடவுளை புசிப்பது சர்ச்சைக்குரிய ஒன்று அல்ல

மாடு என்பது உனக்கு சாமியாக இருக்கலாம்.. எனக்கு அது உணவு என்ற பொருளில் ரஞ்சித் சொன்னதில் தவறு ஏதும் இல்லை


ராஜராஜ சோழன் காலத்தில் சில சாதியினருக்கு சொத்துரிமை இல்லை.. சில சாதியினரின் உழைப்பு சுரண்டப்பட்டது ... அதை முன்னுதாரணமாக கொள்ளாதீர்கள் என்பது அவர் பார்வை

இவர்கள் என்ன சொல்ல வேண்டும்? இப்போது அந்த நிலை இல்லை.. அருந்ததியினர் உட்பட அனைவருமே நன்றாக வாழ்கின்றனர்... அவர் ஆட்சி  பொறகால ஆட்சியாக இல்லாமல் இருக்கலாம்.. ஆனால் நாங்கள் பொற்கால ஆட்சி வழங்கி இருக்கிறோம் என சொல்ல வேண்டும்.

ஆனால் அப்படி சொல்ல முடியாது.. இன்றுதான் அன்றை விட சாதிய கொடுமைகள் அதிகம்

திராவிட இயக்கத்தின் மூத்த தலைவரான சத்திய வாணி முத்து எழுதியுள்ள ‘ தலித் மக்களுக்கு கலைஞர் செய்த துரோகம் “ என்ற நூலில் திமுக செய்த கொடுமைகளை சொல்லி இருக்கிறார்

திமுகவின் துரோகத்தை திராவிட இயக்க துரோகமாக நினைக்க முடியாது

திக , அதிமுக , தந்தை பெரியார் திக , மதிமுக போன்ற் கட்சிகள் தலித்துகளுக்கு எதிராக செயல்பட்டது இல்லை

இட ஒதுக்கீடு , கல்வி மேம்பாடு போன்ற பலவற்றுக்கு திராவிட இயக்கஙள் உழைத்துள்ளன .. சாதித்துள்ளன என்பது வரலாறு

இதை ராஜராஜன் மீதான விவாதமாக மாற்றுவது தவ்று

ரஞ்சித் தன் திரைப்படங்களில் இது குறித்து ஆக்கப்பூர்வமான பார்வைகளையே முன் வைத்து வருகிறார்..
காலா ஒரு மிகச்சிறந்த எடுத்துக்காட்டு

அவர் பேச்சை திரிக்கலாகாது



Sunday, June 9, 2019

அண்ணல் அம்பேத்கரின் வெற்றி - ஜெயமோகன் சிலிர்ப்பூட்டும் விளக்கம்

2019 ஆண்டுக்கான குமரகுருபரன் – விஷ்ணுபுரம் விருது கவிஞர் ச.துரைக்கு வழங்கப்பட்டது .. இதற்கான விழா இன்று சீரும் சிறப்பும் இலக்கியமும் இனிமையுமாய் இளமையும் புதுமையாய் நடந்தது


இந்த விருது வழங்கு விழாவில் கூடுதல் அம்சமாக ஒரு சிறப்பு அமர்வு உண்டு. விழாவுக்கு முன்பு சிறுகதைகள் குறித்த ஒரு விவாத அரங்கு

விருது விழா மாலையில் என்றால் , இந்த விவாத அரங்கு மதியம் ஆரம்பிக்கும்..

கொளுத்தும் வெயிலிலும் அரங்கு நிறைந்து இருந்தது மகிழ்ச்சி அளித்தது/


சிவா கிருஷ்ணமூர்த்தி எழுதிய  –வெளிச்சமும் வெயிலும் 

அனோஜன் பாலகிருஷ்ணனின்   பச்சைநரம்பு 
சுரேஷ் எழுதிய  பாகேஸ்ரீ 



ஆகியவை குறித்து முறையே காளிபிரசாத் , சுனில் கிருஷ்ணன் , விஷால் ராஜா பேசினார்கள்

பேசினார்கள் என்பதை விட ஆய்வுக்கட்டுரைகள் வழங்கினர் எனலாம்
பலரும் ஆக்கப்பூர்வமான கேள்விகள் கேட்டனர்.. ஜெயமோகனும் பார்வையாளர்கள் வரிசையில் அமர்ந்து கேள்விகள் கேட்டார்..
சிறுகதைக்கும் நாவலுக்கும் இடையேயான வேறுபாடு , என்னதான் அசோகமித்திரன் மேதை என்றாலும் அவர் எழுத்தை அளவீடாக கொண்டு பிறர் கதையை மதிப்பிடக்கூடாது என்ற கருத்தாக்கம் , கதையின் அழகியல் , அழகியலே கதைக்கு எதிராக மாறும் சூழல் என பல விஷ்யங்கள் விவாதிக்கப்பட்டன

விஷால் ராஜா , அசோகமித்திரன் குறித்து ஆர்வமாக பேசி முடித்ததும் பலர் கேள்விகள் கேட்டனர்.

அப்போது மைக்’ கை வாங்கிய  வழக்கறிஞரும் , சமூக ஆர்வலருமான கிருபா முனுசாமி  தன் சார்பில் ஒரு கேள்வியை கேட்டார்
ஒடுக்கப்பட்டோர்கள் , விளிம்பு நிலை மக்கள் ஆயுதமாக நாவல் பயன்பட முடியாது என்று சிலர் சொல்வது குறித்து என்ன நினைக்கிறீர்கள் என்றார்.அதாவது நாவல்கள் மூலம் சமூக நீதி ஏற்படும் சூழல் உள்ளதா என்பது அவர் கேள்வி
இலக்கியம் பேசிக்கொண்டு இருக்கும் ஒரு பச்சைக்குழந்தையிடம் இப்படி ஒரு அரசியல் கேள்வியா என அரங்கம் ஒரு நிமிடம் ஸ்தம்பித்தது..  இன்னும் சொல்லப்போனால் அவர் அருகில் இருந்த கவிதாமுமே சற்று திகைத்தார்
ஆனாலும் விஷால் ராஜா சளைக்காமல் பதில் சொன்னார்..

 நீங்கள் மேற்கோள் காட்டுவது போல யாரும் சொன்னதாக தெரியவில்லை.. ஆனாலும் , இலக்கியம் ஒரு பிரச்சார ஆயுதம் இல்லை என்றாலும் சமூக மாற்றங்களுக்கு மறைமுகமாக பணியாற்றி வருகிறது என்றார்

உண்மையில் நானேகூட , சிறுகதை குறித்தான அரங்கில் இந்த கேள்வி தேவை இல்லையோ என நினைத்தேன்

ஆனால் இந்த் கேள்வி ஆழமான விவாதங்களை உருவாக்கியது.. அந்த அரங்கு முடிந்த பின் கொடுக்கப்பட்ட தே நீர் இடைவேளையில் ஆங்காங்கு இது குறித்த விவாதங்கள் நடந்தன
ஜெயமோகனிடமே கிருபா அந்த கேள்வி
யை கேட்டார்.. கவிதாவும் அவரும் ஜெயமோகனுடன் தே நீர் அருந்தியபடி உரையாடிய ஒவ்வொரு விஷ்யமுமே மேடையில் பேசி ஆவணப்படுத்தப்பட வேண்டியவை.. 
அந்த காலத்தில் இலக்கிய நிகழ்ச்சிகளில் கலந்து கொண்டு அதை போட்டி போட்டுக்கொண்டு வலைப்பதிவேற்றம் செய்வதில் ஒரு ஆரோக்கியமான போட்டி நிலவியது. அதன் பின் எல்லா நிகழ்ச்சிகளுமே ஒளிப்பதிவு செய்யப்பட்டு யூட்யூபில் கிடைப்பதால் , வலைப்பதிவுக்கு தேவை இல்லாமல் போய் விட்டது.. ஆனாலும் மேடைக்கு அப்பாற்பட்டு நிகழும் இது போன்ற விவாதங்களும் முக்கியமானவையே

கதை என்பதன்  வலிமை குறித்தும் அதன் ஆற்றல் குறித்தும் ஜெயமோகன் விரிவாக பேசினார்
கதை சொல்லல் என்பதன் மூலம்தான் மனித இனமே பரிணாம வளர்ச்சியில் மற்ற உயிர்களை வெல்ல முடிந்தது... மனிதனை விட உடல் ரீதியாக அறிவு ரீதியாக சிறப்பான மற்ற உயிரிகள் இருந்தன. ஆனால் அவற்றுக்கெல்லாம் தன் அனுபவங்களை கற்பனை கலந்து கதையாக தன் சகாக்களுக்கு சொல்லும் திறன் இல்லை.. கற்பனைகளாலும் கதைகளாலும் மட்டுமே மனிதன் உலகை வென்றான் என்கின்றன ஆய்வுகள்

இதை ஒட்டி இலக்கிய ரீதியாக ஜெயமோகன் சொன்னார்.. ஒரு விஷயத்தை கதையாக சொல்லும்போது அது எப்படி விரைவாக பரவுகிறது என்பதை , யாரோ டீச்சர் சொன்னதாக , தன்னிடமே யானை டாக்டர் கதை ஒரு குழந்தை மூலம் வந்தடைந்ததை சொன்னார்

அண்ணல் அம்பேத்கர் எப்படி ஆதிக்க சக்தியினரின் மொழியான சமஸ்கிருதம் மூலமாகவே அவர்களை வெல்ல முடிந்தது என்பதை விளக்கியது ஆச்சர்யமாக இருந்தது
ஆதிக்க சக்தியினர் வேறு ,, நாம் வேறு என எல்லை வகுத்துக்கொண்டு ஒதுங்கிப்போகாமல் , அவர்கள் கோட்டைக்குள் ஊடுருவி வெல்வதுதான் சவால்.. அந்த சவாலில் வென்று காட்டியவர் அண்ணல் அம்பேத்கர் என அவர் சொன்னது சிலிர்ப்பாக இருந்தது

கண் பார்வை அற்ற ஒரு,நண்பர் நாவல்கள் படித்து டாக்டர் பட்டம் வாங்கும் சவாலை ஏற்று அதில் வென்றதை ஒரு ரொமாண்டிக் ட்விஸ்ட்டோடு சொல்லி முடித்தார்.
வரலாறு , காதல் , சினிமா  , நவீன மூட நம்பிக்கை , என பல புதிய விஷயங்களை  சொல்லிக்கொண்டே இருந்தார்

அதன் பின் மாலை ஆறு மணிக்கு விருது விழா.
அனைவருக்கும் வணக்கம் என தமிழில் பேசி கைதட்டல் வாங்குவது வட நாட்டு அரசியல்வாதிகள் ஸ்டைல்
அப்படி இல்லாமல் , குறுந்தொகை , ஞானக்கூத்தன் , அக நானூறு , கல்யாண்ஜி , விருது பெறும் துரை உட்பட பலர் கவிதைகளை ஆழமாக விவாதித்து ஆச்சர்யம் அளித்தார் மலயாளக்கவிஞர் ராமன்..
புத்தகம் படிக்க நேரம் கூடி வரவில்லை என சொல்லி விட்டு , குத்து மதிப்பாக பேசுபவர்களை பார்த்துள்ளோம்.. ஒரு மலையாளக்கவிஞர் இவ்வளவு தூரம் நம் தமிழை கவனித்து , அலசி ஆராய்ந்து பேசியது வியப்பளித்தது என்றால் , அப்போது அங்கே நுழைந்த மனுஷ்ய புத்திரனுக்கு வணக்கம் சொல்லி விட்டு ,  அவர் கவிதை ஒன்றையும் எடுத்து சொல்லி சிலாகித்துப்பேசினார்
 நம்மை விட அதிகமாக தமிழை நேசிப்பவர் போல என நினைத்துக்கொண்டேன்
 நமது புகழ் பெற்ற கவிதைகள் சிலவற்றை மலையாளத்தில் மொழி பெயர்த்து மலையாள பாணியில் ஓசை நயத்துடன் பேசி ( பாடிக் ) காட்டினார்
மொழி என்ற வகையில் இரு மொழிகளுக்கும் இடையேயான ஓசை வேறு பாடுகளை உணர முடிந்தது..அரிய அனுபவம்
துரை எந்த விதத்தில் முக்கியமான கவிஞர் ஆகிறார் என்பதை வெகு அழகாக பேசினார் அவர்...
அதன் பின் பேசிய தேவ தேவன் வெகு சுருக்கமாக பேசி அமர்ந்தார்.. முழு நாள் கருத்தரங்கில் பேசுபதற்கு விஷ்யம் அவரிடம் இருந்தாலும் சுருக்கமாக பேசினார்

வாழ்த்துரை வழங்கிய அருணாச்சலம் ஒரு முழுமையான பார்வையை அளித்தார்.. அவர் சொன்னதும்தான் , துரையின் பல நல்ல கவிதைகள் மேலும் தெளிவாகின
 ’
தன் துறை சார்ந்த உதாரணம் சொல்லி , இலக்கிய செயல்பாடுக்ளை விளக்கியது நச் என இருந்தது

கடைசியில் ஜெமோ பேசினார்
ஒரு சிறுமி இயல்பாக நடந்து செல்வதை கட்டுப்படுத்தி , நடப்பதற்கு ஒரு இலக்கண வரையறை கொண்டு வருவது போல , கவிதை என்பதன் இயல்பு தன்மை மாற்றப்பட்டதையும் அதன் பின் அந்த வரையறைகள் உடைக்கப்பட்டதையும் அதை தொடர்ந்து அடைந்து வரும் வளர்ச்சிகளையும் பேசினார்..
படிமம் , மைக்ரோ நேரேஷன் என வெகு எளிமையாக ஆனால் ஆழமாக பேசினார்

படிமம் என்பது ஆரம்பத்தில்  கவனத்தை ஈர்த்தாலும் போக போக , உற்பத்தி சாலையில் உற்பத்தி செய்யப்படுவது போல , சரமாரியாக படிமங்கள் உருவாக ஆரம்பமானதும் அடுத்த கட்டம் தேவைப்பட்டது.. மைக்ரோ நேரேஷன் உருவானது

அதுவுமே மலினமான சூழலில்தான் , இன்றைய கவிஞர்கள் சிலர் கவிதையை , இலக்கியத்தை அடுத்த கட்டத்துக்கு எடுத்துச்செல்லும் மாபெரும் பணியை செய்கின்றனர் என்றார்
இளம் கவிஞர்களை ஊக்கப்படுத்தும் விருது என்றுதான் பொதுவாக நினைப்போம்

ஆனால் இது ஊக்கப்படுத்தும் விழா அல்ல.. சாதனையாளர்களை , திருப்பு முனை நாயகர்களை அடையாளம் காட்டும் விழா என்று சொல்லி , துரை எந்த விதத்தில் திருப்பு முனை நாயகராகிறார் என விளக்கியது நிகழ்ச்சிக்கு முத்தாய்ப்பாக இருந்தது
கடைசியில் துரை ஏற்புரை வழங்கினார்

ஆழமான விழாவாக மட்டும் அல்ல.. சூடும் சுவையுமான விழாவாகவும் அமைந்தது














Thursday, June 6, 2019

இளையராஜா விழாவும் திராவிட இயக்க கலாச்சாரமும்


இளையராஜா விழா சமீபத்தில் நடந்தது..

100 ரூபாய் , 400 ரூ டிக்கெட் வாங்கியவர்கள் எல்லாம் 5000 ரூபாய்க்கான இருக்கைகளை ஆக்ரமித்து விடவே , 5000 ரூ டிக்கெட் வாங்கியவர்களுக்கு இடமில்லை.. ஏக ரகளை , தள்ளு முள்ளுகள்

இசை நுணுக்கத்தை , பாடல் சிறப்பை பேச வேண்டிய இளையராஜா , , எல்லோரும் அவரவர் இடத்துக்கு செல்லுங்கள் , அமைதியாக இசையை கேளுங்கள் என  எல் கே ஜி ஆசிரியர் மாணவர்களிடன் பேசுவதுபோல மேடையில் பேச வேண்டிய சூழல் உருவானது...

ஜே கிருஷ்ணமூர்த்தி நிகழ்ச்சி ஒன்றில் ஒலிபெருக்கியில் அலறிய பாடல்களின் இடைஞ்சல் தாளாமல் , பேச்சை நிறுத்தி விட்டு வெளியேறிய வரலாறும் நமக்கு உண்டு


திராவிட இயக்கம் , இதுபோன்ற் சூழல் தவ்று என்பதை சுட்டுக்காட்டியது மட்டும் அல்ல.. இதற்கு எதிராக போராடியும் வந்துள்ளது

பகுத்தறிவு என்பது கடவுள் மறுப்பு என சிலர் சுருக்கினாலும் , எம்ஜி ஆரோ , அண்ணாவோ ஒரு போதும் அப்படி நினைத்தவர்கள் அல்லர்


 ஒரு நிகழ்ச்சியில் எம் ஜி ஆர் பேச வருகிறார். அனைவரும் அமைதியாக கவனமாக பேச்சை கேட்கின்றனர்

அப்போது அவர் சொல்கிறார்

இப்போது எப்படி கவனமாக என் பேச்சை கேட்கிறீர்கள்.. இதுபோல அமைதியாக எனக்கு முன்னால் பேசிய மு வ பேச்சை நீங்கள் கேட்டிருந்தால் உங்கள் அறிவு விசாலப்பட்டு இருக்கும்.. நான் அப்படித்தான் கேட்டேன்..பல விஷ்யங்களை தெரிந்து கொண்டேன் என்றார்

தன்னை எதிர்த்து பேசிய சின்ன அண்ணாமலையை , அழைத்து தன்னை எதிர்த்து பேச சொல்லி , இயக்க தோழர்கள அனைவரும் அமைதியாக கேட்க வேண்டும் என உத்தரவிட்டார் பெரியார்.. சின்ன அண்ணாமலை தன்னை திட்டி பேசி முடித்ததும் , அன்பளிப்பு அளித்து அனுப்பியவர் பெரியார்


காமராஜர் எளிமையைப்பார்த்தால் நமக்கெல்லாம் கூச்சமாக இருக்கிறது..எப்பேற்பட்ட தலைவர் என வியந்து சொன்னவர் அண்ணா... காமராஜரை தோற்கடித்தவருக்கு பதவி தருவது நன்றாக இருக்காது என சொல்லி குணமெனும் குன்றேறி நின்றவர் அண்ணா

 ராஜிவ் நினைவிடம் சென்னையில் உள்ளது... அழகிய புல் வெளி... மற்றபடி விலை உயர்ந்த பொருட்களோ ராணுவ ரகசியமோ இல்லை’

ஆனால் ஆயுதம் தாங்கிய காவலர்கள் அதை பாதுகாக்கின்ற்னர்.. உள்ளே நுழையும் முன் சோதனை செய்த பின்னே அனுமதிக்கின்றனர்

ஏன்?

உள்ளே செல்பவர்கள் அங்கேயே மலம் கழிக்க கூடாது.. சிறு நீர் கழித்து விடக்கூடாது..கண்டதை தின்று குப்பைகளை போடக்கூடாது, மது அருந்தி பாட்டில்களை போடக்கூடாது.. உடல் உறவு கொள்ளக்கூடாது என்பதற்காகத்தான் இத்தனை பாதுகாப்பு

மிகவும் அசிங்கமாக இருந்தது


திராவிட இயக்க சேவைகளின் பலனை அனுபவிக்கும் நாம் அண்ணா  பெரியார் , எம் ஜி ஆர் போன்றோர் காட்டிய மாண்புகளை என்றும் விட்டு விடக்கூடாது

கடமை கண்ணியம் கட்டுப்பாடு = அண்ணாயிசம் 

கடையேழு வள்ளல்கள் -சுருக்கமான பார்வை


கடை ஏழு மன்னர்கள் பெயர்கள் என்ன?

  1 பாரி
2. வல்வில் ஓரி
3. காரி (மலையமான்)
4. பேகன்
5. அதியமான்
6. நள்ளை
7. ஆய் அண்டிரன்

 ஏன் கடை ஏழு மன்னர்கள் என்கிறார்கள்..

அன்ன சத்திரம் கட்டம் , கல்வி சாலைகள் அமைத்தல் என்றெல்லாம் வள்ளல்தன்மைகள் உண்டு.. இவற்றுக்க்கெல்லாம் ஆதாரமானது அன்புதான்..

இந்த ஏழு மன்னர்களைப்பொருத்தவரை இவர்கள் வள்ளல்தன்மையில் அன்புதான் அதிகமாக வெளிப்படுகிறது. நாம் அறிவுப்பூர்வமாக யோசித்தால் , நானாக இருந்தால் , அப்படி செய்டிருக்க மாட்டேன்.. வேறு நல்ல காரியங்களுக்கு பயன்படுத்தி இருப்பேன் என சொல்வோம்

ஆனால் அன்பு அப்படி யோசித்து முடிவு எடுக்காது..கணக்குப்போட்டு காட்டுவது அன்பாக இருக்க இயலாது

---

பாரி..

இவன் பலருக்கு வாரி வழங்கிய வள்ளல்.. முல்லை படருவதற்கு சரியான கோல் இல்லாததால்  , தன் தேரை முல்லைக்கு அளித்தான் இவன்.. வீட்டுக்குப்போய் , யாரங்கே,, முல்லைக்கு அருகே , ஒரு கம்பை நட்டு வையுங்கள் என உத்தரவிட்டு இருக்கலாம்.. ஆனால் அன்பு மிகுதியால் தேரை அளித்து சரித்திரத்தில் இடம் பெற்றான்

ஓரி

தன்னை புகழ்ந்து பாடிய புலவர்களுக்கு தன் சிற்றரசு ஒன்றையே கொடுத்தான் இவன்...   தமிழுக்கு புலமைக்கு அரசை அளித்து புகழ் எய்தினான்

காரி

போர்களில் குதிரைச்சவாரியில் ஈடுபாடு கொண்டவன்.. தான் மதிப்பு மிக்கவை என நினைப்பதை பரிசளிப்பதே நாகரிகம.. தனக்கு தேவை அற்றதை , மிச்சமானதை , தேவை அற்றதை பரிசளிப்பது நாகரிகம் ஆகாது.. தான் மிகவும் நேசிக்கும் குதிரைகளை பரிசளிப்பது இவன் பாணி

பேகன்

மயில் ஆடுவதை பார்த்து  , குளிரால் நடுங்குகிறது என நினைத்து
 போர்வையால் போர்த்திய அன்பு பித்தன் இவன்


அதியமான்

சாகா வரம் அளிக்கும் நெல்லிக்கனியை அவ்வைக்கு அளித்து சாகா புகழ் எய்தியவன் இவன்

 நள்ளி

ஒரு நாள் இம்மன்னன் காட்டில் மாறு வேடத்தில் சென்று கொண்டிருந்தான்.. ஒரு ஏழைப்புலவன் மரத்தடியில் அமர்ந்து பாடல் புனைவதை கண்டான்.. பருக புலவனுக்கு நீர் அளித்தான் . விலங்கு ஒன்றை வேட்டையாடி , தீ மூட்டி பக்குவப்படுத்தி பசியாற்றினான்.. தான் அணிந்திருந்த சங்கிலியை பரிசாக அளித்து விடை பெற்றான்...  கையில் ஏதுமற்ற நிலையிலும் வழங்குதலில் குறை வைக்காத மன்னன்.. ஒரு முறை இவனிடம் வாங்கினால் , பிறகு யாரிடமும் வாங்கும் அவசியம் இராது

ஆய் அண்டிரன்

இவன் கடவுளுக்கே பரிசளித்த புகழ் கொண்டவன்.. அரிய மரகதமணியை பரிசாக கொடுத்தான்

---


இவர்கள் சராசரி வாழ்க்கைக்கு தேவையான ஈகைகளையும் செய்தாலும் , அன்பின் உச்சம் தொட்டு அறிவை மீறி அன்பைக்காட்டிய தருணத்தால் இன்றும் நினைக்கப்படுகிறார்கள்


Saturday, June 1, 2019

மாலைபொழுதை மகிழ்வாக்கிய கதையாடல்


கதை படிப்பது எவ்வளவு சுகமோ அதே அளவுக்கு கதை கேட்பதும் அது குறித்து விவாதிப்பதும் சுகமானதுதான்

அந்த காலத்தில் எல்லாம் பின் மாலைகளில் அக்கம்பக்கத்தினர் , குடும்பத்தினர் , உறவினர் என வீட்டின் முன் கட்டிலில் அமர்ந்தும் ஆங்காங்கு தரையில் அமர்ந்தும் கதைகள் சொல்லி , கேட்டு வாழ்க்கையை அனுபவதித்துண்டு..

இன்று அப்படி எல்லாம் அமர வாய்ப்புகளும் இல்லை.. நேரமும் இல்லை

இப்படி ஒரு இறுக்கமற்ற சூழலில் , இயல்பாக உரையாடுவது போல , கதைகளைப்பற்றி பேசி விவாதிக்க ,ஓர் அருமையான வாய்ப்பை ஏற்படுத்தி தருகிறது வாசக சாலை

வாசக சாலை பல நிகழ்ச்ச்கள் நடத்துகிறது.. மா நாடு போல நடக்கும் கருத்தரங்குகள் , குளிரூட்டப்பட்ட அறையில் நடக்கும் விவாதங்கள் , உணவுடன் கூடிய முழு நாள் நிகழ்வுகள் , அறிஞர்கள் எழுத்தாளர்கள் ஆய்வ்க்கட்டுரை வழங்கும் விழாக்கள் என்பவை எல்லாம் வேறு .. கதையாடல் என்ற இந்த நிகழ்வு , வெகு இயல்பாக , மனதுக்கு நெருக்கமான ஒரு நிகழ்ச்சி..

நான் முன்பு சொன்னதுபோல , நம் வீட்டில் நம் நண்பர்களுடன் உறவ்னர்ள்டன்  அமர்ந்து பேசுவது போல ,  ஒரு பின் மாலை வேளையில் , அறிவுத்தாகம் கொண்ட நண்பர்கள் மத்தியில் தரையில் அமர்ந்து கதைகளைப் பற்றி பேசுவது ஒரு தனி அனுபவம்


33ஆம் கதையாடல் நிகழ்வில் , கீழ்க்கண்ட கதைகள் விவாதிக்கப்பட்டன

கதை பெயர்
எழுதியவர்
வெளிவந்த இதழ்
மரத்தில் மறைந்த மாமத யானை

இங்கே நிறுத்தக் கூடாது

பகல்கனவு

சஃபைவாலா

அமர்

ஜனமேஜயன்



அ முத்துலிங்கம்

லிவி

அபிமானி

விஜயகுமார்
சொல்வனம்




காலச்சுவடு

வாசகசாலை

கணையாழி

பதாகை



























பேசி வைத்து வந்ததுபோல , அனைவரும் சரியான நேரத்துக்கு வந்து விட்டது ஆச்சர்யமாக இருந்தது...  பாதி நிகழ்ச்சியில் யாரேனும் வருவது , யாரேனும் கிளம்புவது என்றெல்லாம் இல்லாமல் , ஓர் ஒழுக்கத்தை அனைவரும் கடைபிடித்தது சிறப்பு

---------
மரத்தில் மறைந்த மாமத யானை

டெலிபோன் முதன்முதலில் கண்டு பிடிக்கப்பட்டபோது , அதே கால கட்டத்தில் பல நபர்களுக்கு அதே சிந்தனை எப்படி வந்தது என்பது போன்ற கண்ணுக்கு தெரியாத வலைபின்னல்களை ஆராயும் ஓர் அறிவியல் கதை இது

 நாம் செயல்புரிகிறோமா.. அல்லது நமக்கு தெரியாமல் நம் சிந்தனைகளை , செயல்களை வேறு ஏதாவது சக்திகள் வடிவமைக்கின்றவா என்பதையும் போகிற போக்கில் கதை ஆராய்கிறது

என்ன ட்விஸ்ட் என்றால் , இந்த கதையைப்பற்றி பேசுவதாக இருந்தவர் , வர முடியாமல் போய் விட்டது. இன்னொருவர் பேசினார்..பெயர் வைஷாலி...  என்ன சுவாரஸ்யம் என்றால் அந்த கதையின் கருப்பொருளாக மரம் என்ற விஷ்யம் பேசியவருக்கு உண்மையிலேயே பிடித்த விஷ்யம்தான்.. தன் வீட்டின் முன் இருக்கும் மரத்தை உள்ளன்போடு நேசிப்பவர் இவர்..  மர நேசரான இவர் , மரம் பற்றி பேசும் சூழலை உருவாக்கிய தற்செயல் நிகழ்வு போன்ற ஆச்சர்ய நிகழ்வுகளைத்தான் கதையும் பேசுகிறது. உண்மையிலே ஆச்சர்யமாக இருந்தது

கதையை நன்கு புரிந்து கொண்டு , வெகு சிறப்பாக பேசினார் வைஷாலி.  சரளமாகவும் , முக்கிய சம்பவங்களை கச்சிதமாக நினைவில் வைத்திருந்தும் , குறை என தான் நினைப்பவற்றையும் பேசினார்... தான் பெர்சனலாக கதையில் ரசித்த இடங்களையும் அதற்கான காரணங்களையும் அவர் சொன்னது வெகு பொருத்தமாகவும் சுவையாகவும் இருந்தது

பேசி முடித்தபின் கேள்விகளுக்கும் சிறப்பாக பதில் சொன்னார்

பார்வையாளர்களும் எதிர் கருத்துகளையும் , பிடித்த விஷயங்களையும் சொன்னார்கள்..கதையை படிக்க
ஆக , துவக்கமே வெகு சிறப்பாக அமைந்தது


அடுத்து இங்கே நிறுத்தக்கூடாது என்ற கதை குறித்து சுவாதி சேகர் பேசினார்

கதையின் ஒவ்வொரு வரியையும் அவ்வளவு ரசித்துப்படித்து இருக்கிறார் என்பது அவர் பேச்சில் தெரிந்தது..

கதை சற்று ஆழமான விஷ்யம் குறித்து பேசினாலும் அதன் நடை கலகலப்பானது...  அதை கச்சிதமாக புரிந்து கொண்டு கலகலப்பாக பேசினார்.
அதன் இன்னொரு பக்கத்தை விவாதத்தின்போது பேசினார்.. பெர்ஃபக்ட்

அடுத்து பகல் கனவு என்ற பின் நவீனத்துவ கதை குறித்து மசாலா கதை ரசிகர் அபு பேசினார்,,, இது ஒரு நல்ல காம்பினேஷன்..  ஒரு இலக்கியக்கதையை மசாலா கதை ரசிகர் எதிர்கொண்டால் எப்படி இருக்கும் .. அவரை கதை எந்த அளவு பாதிக்கிறது.. என்ற கேள்விகளுக்கு இவர் பேச்சு பதில் சொன்னது.. வீண் அலட்டல்கள் , நேம் டிராப்பிங் , வெட்டி பந்தா போன்ற எதுவும் இல்லாமல் , மனிதர் இதயத்தில் இருந்து பேசினார்.. சர வெடி... மிகவும் ரசித்தேன்... மசாலா கதை ரசிகர் என அவர் தன்னை சொல்லிக்கொண்டாலும் நல்ல சிறப்பான பார்வையையே முன்வைத்தார்
கதையை படிக்க

அடுத்து சஃபைவாலா கதை குறித்து சந்தியா பேசினார்...

கதையின் ஒரு கேரக்டர் நம் முன் வந்து , கதையைப்பற்றி சொன்னால் சொன்னால் எப்படி இருக்கும் .. அதுபோன்ற ஒரு நேரடி அனுபவத்தை கொடுத்தது இவர் பேச்சு... அலுவலகம் ஒன்றில் காஃபி கொட்டி விடுகிறது... அதை க்ளீன் செய்ய வேண்டும்.. ஆனால் சாதி பெருமை ,  தன் பதவியின் பெருமை, , வீண் பந்தா போன்ற பல காரணங்களால் க்ளீன் செய்யும் சாதாரண வேலையை துப்புரவு பணியாளர் என்ற பெயரில் வேலைக்கு சேர்ந்துள்ள ப்யூன் உட்பட யாரும் செய்யவில்லை என்ற சம்பவமே கதை... துணியை எடுத்து ஒரு இழுப்பு இழுத்தால் க்ளீன் ஆகி விடும்.. ஆனால் அப்படி செய்தால் பிறர் என்ன நினைப்பார்கள் , நம் பதவி அந்தஸ்து என்னாவது , இந்த வேலை நம் தலையில் கட்டபட்டு விடுமோ என்ற பயம் , சாதி பெருமை போன்ற பலவற்றால் யாருமே அதை செய்வதில்லை.. படிக்கும் நமக்கே , டேய்.. என்னிடம் கொடுங்கடா.. நான் செய்து விடுகிறேன் என கத்த தோன்றும்.. அந்த அம்சத்தை அழகாக சொன்னார் சந்தியா...துப்புரவை வீடுகளில் மங்கல நிகழ்வாக   நினைப்பார்கள்..  ஆனால் எப்படியோ , க்ளீனிங் செய்தால் அந்தஸ்து போய் விடும் என்ற மன  நிலை , பொது வெளியில் உருவாகி உள்ளது என்பதை கதை சொல்கிறது.. அருமையான கதை.. ஆனால் கதை தலைப்பு , இது ஒரு சாதி எதிர்ப்பு பிரச்சாரக்கதையோ என்ற மயக்கத்தை ஏற்படுத்துகிறது.. நல்ல வேளையாக , இவர் அதை தொடாமல் , பொதுவான உணர்வுகளைத்தொட்டு பேசினார்.. அழகு


கடைசியாக அமர் கதை குறித்து ராம கிருஷ்ணன் பேசினார்...

பேச வர வேண்டியவர் வரவில்லை என்பதால் , திடீரென பேச வேண்டிய சூழல்.. ஆனாலும் சிறப்பாக பேசினார்


உட்கார வேண்டிய சாமி  சிலையை , நிற்பது போல ஏன் உருவாக்கினாய் என திட்டுவது போல ஆரம்பிக்கும் கதை ,  யார் என்ன நினைத்தால் என்ன ,, என்ன செய்தால் என்ன...  நிற்பதா அமர்வதா என்பதை முடிவு செய்யும் அழியாவிசை என ஒன்று உள்ளது என முடியும் கதை... கடவுள் , ஆன்மிகம் என்றெல்லாம் இல்லாமல் , நம் மண்ணின் மூத்தோர் வழிபாடு , வாழ்வாங்கு வாழ்பவன் வானுறையும் தெய்வத்துள் வைக்கப்படும் என்ற வள்ளுவம் , விலங்குக்கும் மனிதனுக்கும் இருப்பது பொதுவான ஆன்மாதான் என சொல்லாமல் , இரண்டுக்கும் பொதுவாக இருப்பது , விட்டு விடுதலையாகும் உணர்வெனும் விசை என்ற தரிசனம் போன்றவை குறித்து பார்வையாளர்கள் கருத்துகளை முன் வைத்தனர்கதையை படிக்க

மகிழ்ச்சியான , நிறைவான , ஒரு மாலைப்பொழுது







பெருந்தன்மையில் போட்டு போட்ட எம்ஜிஆர் , கண்ணதாசன்

அறிமுக நடிகர்களை வைத்து காதலிக்க  நேரமில்லை போன்ற ஹிட்களை கொடுத்தவர் ஸ்ரீதர்


சில பிரச்சனைகளால் பொருளாதார நெருக்கடிகளில் சிக்கினார்

அவருக்கு கால்ஷீட் கொடுத்து உதவ முன்வந்தார் மக்கள் திலகம்

இதற்கிடையே கண்ணதாசனிடம் பாடல்கள் எழுதச்சொல்லி வாங்கி வைத்திருந்தார் ஸ்ரீதர்

விழியே கதை எழுது பாடலை எழுதிக்கொடுத்தார் கண்ணதாசன்

இன்னொரு பாடலின் ஆரம்ப வரிகள் மட்டும் எழுதினார்

கல்யாண வளையோசை கொண்டு
காற்றே நீ முன்னாடி செல்லு
கல்யாண வளையோசை கொண்டு
காற்றே நீ முன்னாடி செல்லு
பின்னாடி நான் வாரேன் என்று
கண்ணாளன் காதோடு சொல்லு

 மிச்சத்தை பிறகு எழுதுவதாக சொல்லி சென்று விட்டார்


சிலர் ஸ்ரீதரிடம் சென்று , கண்ணதாசனுக்கு எம் ஜி ஆருக்கும் ஆகாது... எனவே இந்த பாடல்கள் வேண்டாம்.. எம் ஜீ ஆர் கோபித்துக்கொள்வார் என்றார்கள்

இயக்குனருக்கோ பாடலை இழக்க மனமில்லை.. கண்ணதாசனிடமே சென்று கேட்டார்

மிச்சப்பாடல்களை வாலியை வைத்து எழுதிக்கொள்ளுங்கள்

இந்த பாடல்களுமே வாலி பெயரிலே வரட்டும் என பெருந்தன்மையாக சொல்லி விட்டார் கண்ணதாசன்

பாடல்களைக்கேட்டார் எம் ஜி ஆர்

மனதில் வடித்து வைத்த சிலைகள்- அதில்
மயக்கம் பிறக்க வைத்த கலைகள்
மேகங்கள் போல் நெஞ்சில் ஓடும்
வானத்தை யார் மூடக்கூடும்

யார் எழுதியது என்றார்

வாலி என்றார்கள்

புன்னகைத்த  எம் ஜி ஆர் சொன்னார்

இல்லை.. இது கண்ணதாசன் பாணி பாடல் என்றார்

ஆம் ,மன்னித்து விடுங்கள் என்றார் இயக்குனர்


எனக்கும் அவருக்கும் அரசியல் ரீதியாகத்தான் பிரச்சனை

அவர் பாடல்களுக்கு நான் ரசிகன்,., இந்த பாடல் அவர் பெயரிலேயே வரட்டும் என்றார் எம் ஜி ஆர்

படத்தில் கண்ணதாசன் பெயர் வரும்.. ஆனால் இசைப்பேழைகளில் வாலி பெயரில்தான் பாடல் வந்தது

 

Friday, May 31, 2019

மேதையின் அற்பத்தனமும் மற்க்கப்பட்ட விஞ்ஞானியும்

வரலாறு என்பது ஒரு குப்பை என்பார் ஹென்றி ஃபோர்டு

உண்மைதான்,, வரலாறு என நாம் படிப்பவை எல்லாம் , யாராவது  ஒரு சாரார் அவர் பார்வையில் இருந்து சொல்லும் கற்பனையைத்தான்

உதாரணமாக , சீனா இந்தியா மீது படையெடுத்து நட்பு துரோகம் செய்தது.. என படித்துள்ளோம்

அப்படி எல்லாம் இல்லை..  வல்லரசுகளுக்கு ஆதரவாக நாம் செயல்பட்டதால் தனது பாதுகாப்புக்காக சீனா படையெடுத்தது.. வெற்றி பெற்றாலும்கூட , அப்பாவியை துன்புறுத்தவேண்டாம் என அதுவாகவே பின் வாங்கி விட்டது என்கிறார்கள் சில கம்யூனிஸ்ட்கள்...

எனவே வரலாறு என்பதை நம்ப முடியாது

சர் ஐசக் நியூட்டன் மிகப்பெரிய அறிவியல் மேதை என படித்திருப்போம்

ஹூக் விதி என  லேசாக படித்திருப்போம்

உண்மையில் ராபர்ட் ஹூக்தான் மிகப்பெரிய  மேதை

பெண்டுலம் கடிகாரம் , நுண்ணோக்கி , ஹெலிகாப்டர் , வானியல் , பூமியின் சுழற்சி , ஒளியியல் போன்ற பலவற்றில் கில்லாடி

ஆனால் பொறாமை காரணமாக இவரது பல ஆய்வு பேப்பர்களை நியூட்டன் இருட்டடிப்பு செய்து விட்டார்.. இவரது பல கண்டு பிடிப்புகளை தன் பெயரில் வெளியிட்டுக்கொண்ட்டார் நியூட்டன்

 நாம் மேதை என நினைப்பவர் இப்ப்படி அற்பத்தனமாக நடந்துள்ளார்

அதுகூட பரவாயில்லை... எத்தனையோ அரிய கண்டுபிடிப்புகள் வெளிசத்த்துக்கு வராமல் மறைந்தே போய் விட்டன

வானியல் விந்தை - ஒழுங்கின்மைக்குள் ஓர் ஒழுங்கு

சூரியனில் இருந்து ஒவ்வொரு கோளும் எவ்வளவு தொலைவில் இருக்கின்றன என்பதை வானியல் அலகு என்பதை வைத்து சொல்லுகிறார்கள்

வானியல் அலகு என்றால் என்ன?

பூமிக்கும் சூரியனுக்கும் இடையேயான தூரம்தான் வானியல் அலகு..

இதன் மதிப்பு ஒன்று.. 

ஆகவே ஒன்றை விட அதிகமான வானியல் அலகு என்றால் , பூமியை விட அதிக தூரத்தில் அந்த கிரகம் இருக்கிறது என அறியலாம்

ஒரு வானியல் அலகு = 93 மில்லியன் மைல் / 150 மில்லியன் கிலோ மீட்டர்

புதன் - சூரியன் தூரம் - .387 வானியல் அலகு   .387 AU

வெள்ளி ---   0.722

பூமி  ----        1

செவ்வாய் - 1.52

வியாழன்     - 5.2

சனி  - 9.58

யுரெனஸ்   - 19.2
 

நெப்டியூன் -- 30.1

சரி.. இதை எளிதாக நினைவில் கொள்வது எப்படி ?

ஸ்மார்ட் போனில் கூகிள் செய்வது எளிதுதான் என்றாலும் , இந்த தூரங்களுக்குள் இருக்கும் ஒரு பேட்டர்னை கண்டு பிடித்தவர்களின் ஆர்வத்தை புரிந்து கொள்ளும் பொருட்டு விளக்கம்

0  3  6   12   24

இதை நினைவில் கொள்ளுங்கள்

இவற்றுடன் நான்கை கூட்டி , 10 ஆல் வகுத்து விடுங்கள்

 நமக்கு கிடைப்பது

0.4   0.7  1    1.6    5.2   10   19.6     38


கிட்டத்த்ட்ட தூரங்கள் மேட்ச் ஆகின்றவா அல்லவா

பார்ப்பதற்கு ஒழுங்கினமை போல தெரிந்தாலும் அவற்றுக்குள் ஓர் ஒழுங்கு இருப்பது ஆச்சர்யம்

யார் இப்படி நிர்வகிக்கிறார்கள் என்பதுதானே மனித இனத்தின் இடை விடாத தேடல் !!


Wednesday, May 29, 2019

ஆடாமல் ஜெயித்த கிரிக்கெட் வீரர் - கிரிக்கெட் உலக கொடுமைகள்



1983 உலக கோப்பை வெற்றியில் கபில் தேவின் ஃபைனல் கேட்ச்சை ( விவியன் ரிச்சர்ட்ஸ் விக்கெட் ) , மொஹிந்தர் அமர் நாத்தின் கடைசி ஓவர்களை யாரும் மறக்க முடியாது

அதேபோல சுனில் வால்சனுக்கும் அவரது நண்பர்கள் உறவினர்களுக்கு 1983 உ கோப்பையை மறக்க முடியாது

காரணம் அந்த போட்டியில் வென்று கோப்பையுடன் புகைப்படத்தில் காட்சி அளிப்பவர்களுள் அவரும் ஒருவர்..

ஆம்..அந்த அணியில் இடம் பெற்றிருந்த வீர்களில் இவரும் ஒருவர். ஆனால் ஒரு மேட்ச் சில் கூட விளையாடும் வாய்ப்பு கிடைக்கவில்லை

ரோஜர் பின்னி , மதன்லால் , கபில்தேவ் போன்ற சீனியர்கள் இருக்கும்போது சின்ன பையனான எனக்கு வாய்ப்பு கிடைக்காததில் வருத்தம் இல்லை.. இப்போது நான் சீனியர் சிட்டிசனாகி விட்டேன் என்பதால் இப்போதும்கூட வருத்தம் இல்லை என்கிறார் இவர்

ஆந்திராவை சேர்ந்த வீரரான இவர் தற்போது ஐபிஎல் போட்டிகளில் டெல்லி அணியின் மேனேஜராக இருக்கிறார்

அதேபோல தமிழக வீரர் வி வி குமார்.. திறமைசாலிதான்.. ஆனாலும் போதிய வாய்ப்புகள் கிடைக்கவில்லை

வாய்ப்பு கிடைத்த முதல் தொடரில் அருமையாக பந்து வீசினார்

அடுத்து இங்கிலாந்துக்கு எதிரான தொடர்

முதல் இன்னின்க்சில் சிறப்பாக பந்து வீசினார்

இரண்டாம் இன்னின்க்சில் ஒரு ஓவர் கூட வீசவில்லை

அடுத்த டெஸ்ட்டில் வாய்ப்பு தருவதாகவும் , பந்து வீசும் ஸ்டைல் ரகசியமாக இருந்தால்தால் அடுத்த டெஸ்ட்டில் எதிராளிகளை அச்சுறுத்த முடியும் என்றும் கூறி பந்து வீச வேண்டாம் என்றார் அணித்தலைவர்

ஆனால் என்ன கொடுமை என்றால் , அவர் வாழ்க்கையில் அடுத்த வாய்ப்பு என ஒன்று வரவே இல்லை

அதேபோல மதுரை வீரர் வெங்கட்ரமணா..

திறமையான பந்து வீச்சாளர்

கிரிக்கெட் உலக அரசியலால் இவருக்கும் வாய்ப்புகள் அமையவில்லை

இப்படி வாய்ப்புகள் அமையாமல் ,  காணாமல் போனோர் எண்ணிக்கை கிரிக்கெட்டில் அதிகம்.. வாழ்க்கையிலும்கூட

சாதி ரீதியாக கிருஷ்ணசாமியை அசிங்கப்படுத்திய நிருபர்- தேவை திராவிட மறுமலர்ச்சி


புதிய தமிழகம் கிருஷ்ணசாமி சமீபத்தில் பத்திரிக்கையாளர்களை சந்தித்தார்

அப்போது அவர் , தேர்தல் தனக்கு நிறைவு அளிப்பதாக சொன்னார்

முன்பெல்லாம் தான் சார்ந்த தேவேந்திர குல வேளாளர் சமூகத்தினரிடம் மட்டுமே வாக்கு கேட்க முடியும்.. அவர்கள் மட்டுமே வாக்களிப்பார்கள்

ஆனால் கொஞ்சம் கொஞ்சமான நிலை மாறி வருகிறது.. திமுக கூட்டணியில் போட்டியிட்டபோது பல மாறுதல்களை பார்த்தேன்

இன்று முழுக்கவே நிலை மாறி விட்டது...  அனைத்து சமூகத்தினரும் என்னை மரியாதையுடன் பார்க்கிறார்கள்.. அனைவரும் என்னை ஏற்கிறார்கள்...இந்த மாற்றம் ஆரோக்கியமானது.. நல்லதொரு சமூக மாற்றம் நிகழ்ந்துள்ளது என்றார்

அப்போது ஒரு நிருபர். அதெல்லாம் இல்லை..  உங்களை ** , **** ( சில சாதிகளை சொன்னார் ) ஏற்கவில்லை.. அதனால்தான் தோற்றீர்கள் என்றார்

 நான் மட்டும் தோற்றிருந்தால் , அப்படி சொல்லலாம்.. ஆனால் ஒட்டு மொத்தமாக எங்கள் அணி தோற்றுள்ளது/ ஆகவே இது சாதி ரீதியான தோல்வி அல்ல..  என்றார் கிருஷ்ணசாமி

அந்த நிருபர் விடாமல் , சாதி ரீதியாக கேட்டு கிருஷ்ணசாமியை அவமானப்படுத்தினார்
கிருஷ்ண சாஇ டென்ஷனாகி , சாதி ரீதியாக தாக்குதல் நடத்தும் உன் உள் நோக்கம் புரிகிறது.. நீ என்ன சாதி என்றார்


பார்க்கும் நமக்கே வருத்தமாக இருந்தது

வளர்ந்து வரும் ஒரு சமூகம்.. அதன் தலைவரை இப்படி அசிங்கபடுத்தும் தைரியம் எப்படி வருகிறது

உட்கட்சி பூசல்களால் , திராவிட இயக்கம் சற்று சோர்ந்துள்ளதால் நடக்கும் விளைவுகள் இவை

ஓர் அண்ணாவோ , எம் ஜீ ஆரோ இருந்திருந்தால் , கண்டிப்பாக இது நடந்திருக்காது

திராவிடம் மீண்டும் உயிர்க்கட்டும்.. சாதி திமிர் ஒழியட்டும்



Tuesday, May 28, 2019

திராவிட இயக்கம் - அவதூறுகளும் விளக்கமும்

திராவிட இயக்கத்தால்தான் தமிழ் நாடு கஷ்டப்படுகிறது... வரலாறு காணாத ஊழல்கள் நடக்கின்றன என்கிறார்கள் சிலர்


திராவிட இயக்கிய ஆற்றியுள்ள , ஆற்றி வரும் பணிகள் குறித்தும் திராவிட இயக்கம் பேணி வரும் கடமை , கண்ணியம் , கட்டுப்பாடு குறித்தும் பலர் அறியாததே இதற்கு காரணமாகும்


இன்னொன்றும் இருக்கிறது ,  டிராஜேந்தரின் லதிமுக , தினகரனின் அமமுக என யார் என்ன தப்பு செய்தாலும் பழியை திராவிட இயக்கத்தின்  மேல் போடுவதும் இதற்கு காரணம்..


சைதை துரைசாமி , பொன்னையன் போன்ற பழைய கால திராவிட இயக்கத்தினரிடம் பேசினால்தான் பல உண்மைகள் தெரியவரும்..

தமிழ் நாடு என்ற பெயருக்கே காரணம் திராவிட இயக்கம்தான்,,   இட ஒதுக்கீடு , போக்குவரத்து வசதிகள் என பல விஷ்யங்கள் அண்ணா , எம் ஜி ஆர் போன்றோரால்தான் சாத்தியமாகின


அண்ணா ஒரு முறை கல்லூரி கூட்டம் ஒன்றுக்கு தலைமை வகித்தார்.. சிம்மாசனம் போன்ற பெரிய நாற்காலி போடப்பட்டு இருந்தது..    இதில் நான் அமரும் தகுதி இல்லை.. மாணவர்கள்தான் மன்னர்கள் என பெருந்தன்மையாக பேசினார்

எம் ஜி ஆர் பேசுகையில் மாணவர்கள் நினைத்தால் பல மாற்றங்கள் நிகழும் என்றார்

அண்ணா மறைவுக்கு பின் திராவிட இயக்க பெருந்தலைகளான மதியழகனுக்கும் நெடுஞ்செழியனுக்கும் இடையே அடுத்து யார் என போட்டி நிலவியது

இவர்களுள் அண்ணாவால் அடையாளம் காட்டப்பட்டவர் நெடுஞ்செழியன் தான்

ஆனால் சம்பந்தம் இல்லாமல் கலைஞர் தலைமைக்கு வந்தார்

காரணம் எம் ஜி ஆர் கொடுத்த ஆதரவு..கலைஞரின் தமிழ் மீதும் திறனை மீதும் எம் ஜி ஆருக்கு இருந்தது

ஊழலற்ற ஆட்சி என்பது மட்டுமே எம் ஜி ஆரின் நிபந்தனையாக இருந்தது

ஆனால் , கோதுமை ஊழல் , பாலம் கட்டுவதில் ஊழல் என பிரச்சனைகள் உருவெடுக்கவே , எம் ஜி ஆர் கணக்கு கேட்டு , அதிமுக பிறந்தது

அதன் பின் திராவிட இயக்க கொள்கைகளை அண்ணாயிசம் என்ற பெயரில் நிறைவேற்ரலானார் எம் ஜி ஆர்

ஓர் உதாரணம்..

முனு குறிப்பிட்ட கல்லூரி விழா மூலம் திராவிட இயக்கம் மீது ஈடுபாடு கொண்டு எம் ஜி ஆருடன் இணைந்து செயல்படலானார் பொன்னையன்

அதிமுக தேர்தலில் நிற்கும்போது மக்கள்  நலபணிகள் குறித்து இவருடன் விவாதித்தார் எம் ஜி ஆர்

கிராமங்கள் முன்னேறினால்தான்  மா நிலம் முன்னேறும்.. கிராமங்கள் முன்னேற நல்ல சாலைகள் தேவை என்றார் பொன்னையன்..பஸ் மேற்கூரைகளில் கிராம விளை பொருட்களை ஏற்றும் உரிமை வேண்டும் என்றெல்லாம் சொன்னார் அவர்

இதை நினைவில் கொண்ட எம் ஜி ஆர் , அதிமுக ஆட்சிக்கு வந்ததும்,  நெடுஞ்சாலைத்துறை மற்றும் போக்குவரத்து என இரண்டையும் பொன்னையனிடம் கொடுத்தார்

இன்று தமிழகம் வட மானிலனங்களை விட சிறப்பான சாலைகள் பேருந்துகள் என இருப்பதற்கு காரணம் எம் ஜி ஆரின் திராவிட ஆட்சிதான்



என்னதான் குடும்ப ஆதிக்கம் ஊழல் குற்றச்சாட்டுகள் இருந்தாலும் பெயரளவுக்காவது திராவிட இயக்க கொள்களைகளை கலைஞரும் நிறைவேற்றவே செய்தார்

தற்போது ஒதுங்கியுள்ள சைதை துரைசாமி , ஏ சி எஸ் போன்றோர் மீண்டும் களாமாட வரும் சூழலில் திராவிட இயக்கம் மீண்டும் புத்துயிர் பெறும்

Monday, May 27, 2019

கருத்து கணிப்புகளும் பொய்யர்களும்

சாம்பிளிங் என்பது உலகளவில் ஏற்கப்பட்ட அறிவியல் முறையாகும்..

பத்து ஆயிரம் நட்டுகள் ஒரு பட்டறை தயாரிக்கிறது என்றால் அனைத்தையும் செக் செய்வது தே வையற்றது

மாதிரிக்கு சிலவற்றை மட்டும் சோதித்து அதன் அடிப்படையில் ஒட்டு மொத்த தயாரிப்பு குறித்து தெரிந்து கொள்ளலாம்

அதுபோலத்தான் கருத்து கணிப்புகள்...

ஒரு லட்சம் மக்கள் என்ன முடிவு எடுத்தனர் என்பதை 100 பேரிடம் கேட்டு தெரிந்து கொள்ள முடியும்

ஆனால் அந்த 100 ஆட்களை எப்படி தேர்ந்தெ டுப்பது என்பது முக்கியம்

தினகரன் கடசிக்காரர்கள் அதிகமாக வசிக்கும் தெருவில் 100 ஆட்களை கேட்டால் சரியாக வராது

இந்தியாவை பொருத்தவரை இந்த இயல் நன்கு வளர்ந்து விட்டது..

கருத்து கணிப்புகள் துல்லியமாக இருக்கின்றன

பிஜேபியை கடுமையாக விமர்சிக்கும் ஆங்கில இந்து கூட  பிஜேபிதான் வெல்லும் என துல்லியமாக கணி த்தது

ஒவ்வொரு கடசிக்கும் அவர்கள் கொடுத்த வாக்கு சதவிகிதம்கூட வெகு துல்லியமாக இருந்தது

நம் ஆட்களை சிலர் , கருத்து கணி ப்பெல்லாம்  சும்மா.... பங்கு சந்தை சதி.... டிரம்ப் செய்யும் சதி என்றெல்லாம் எந்த ஆதாரமும் இல்லாமல் சொன்னார்கள்..

கருத்து கணிப்பு சரி என தெரிந்த பின்பும் , தாங்கள் சொன்ன பொய்க்கு தார்மிக பொறுப்பு ஏற்கவில்லை

ஒரு கடசி ஜெயிக்க வேண்டும் என நினைக்கலாம்.. ஆத ரிக்கலாம்..   அது ஜன நாயக  உரிமை.

ஆனால பொ ய் சொல்வது  உரிமை அல்ல..    அது எதிர்தரப்புக்கே  நன்மை அளிக்கும்

உதாரணமாக கீழ்க்கணட பொ ய் செய்தியை பாருங்கள்.. அப்பட்டமான பொய்

யாரையும் நம்மால் திருத்த முடியாது.. ஆனால் பொய்யர்களிடம் கவனமாக இருப்பது முடியும்..





---------------------------------------------------------------


மோடியின் ரேடார் விஞ்ஞானம், டிஜிட்டல் கேமிரா, ஈமெயில், இன்றைய பத்திரிக்கையாளர் சந்திப்பு என அவரை மிகக் குறுகிய காலத்தில் மொத்தமாகத் திட்டமிட்டுக் காலி செய்கிறார்கள் என்று தோன்றுகிறது. அவரை மிகப் பூதாகரமாக ஊதிப்பெருக்கியவர்களே இன்று ஏதோவொரு காரணத்திற்காக அந்தப் பிம்பம் சுக்கு நூறாக உடைந்து போக அனுமதிக்கிறார்கள். அதிகாரம், பணம், ஊடகபலம் மிக்க அவர்கள் நினைத்தால் ‘டேமேஜ் கண்ட்ரோல்’ செய்ய முடியும். ஆனால் அப்படிச் செய்யாமல் விளையாடிக் கொண்டிருப்பதன் பின்னணி மே 23க்குப் பிறகு நமக்குப் புரியக் கூடும். Its not just PR disaster!

குளவிகளின் தாகம்


சிறிய குழியின் அடிப்பகுயில் இருந்த ஈரத்தை குளவி"ஒன்று உறிய முனைவதை கண்டேன்,    அதை சற்றே பறக்க செய்து விட்டு குழியை நீரால் நிரப்பினேன்

காத்திருந்தது போல குழியை பாய்ந்து வந்து மொய்த்தன குளவி கூட்டம்

அவற்றுக்கு இவ்வளவு தாகம்"எடுக்கும் என்பதை அறிந்த"நாள்

Sunday, May 26, 2019

நோபல் பரிசு விஞ்ஞானி காலமானார்

Murray Gell-Mann at the World Economic Forum Annual Meeting, 2012. Wikipedia

ஒரு பொருளை சின்னதாக உடைத்தால் அதன் மிகச்சிறிய பகுதி அணு என்பது பலருக்கு தெரியும்..

அணு என்பது மிக சிறியது என்றாலும் அதை விட சிறியது எலக்டாரான் , ப்ரோட்டான் ந்யூட்ரான் என்பதும் தெரியும்

ப்ரோட்டானையும் விட சிறியது இருக்கிறது ...

அதைப்பற்றி பேசும் நுண் அறிவியலில் முக்கியமான  விஞ்ஞானிகளில் ஒருவர் முரே ஜெல் மேன்..

யூத இனத்தை சார்ந்த வந்தேறியான இவர் அமெரிக்காவில் பிறந்தார்.. 24.05.2019 அன்று இருந்தார்

அணுவை விட சின்ன துகளை க்வார்க் என்கிறார்கள்.. இந்த பெயரை சூட்டியவர் இவர்தான்

அடுத்த முறை க்வாண்டம் அறிவியல் நூல்களை படிக்கையில் க்வார்க் என்ற பெயரை பார்க்கும்போது இவரை நினைத்துக்கொள்ளுங்கள்

அவரது ஆய்வுகளுக்காக நோபல் பரிசு பெற்றவர்

ஆள் கலகலப்பானவர்.. சற்றே திமிர் பிடித்தவரோ என எண்ண வைப்பவர்

என்னால் அதிக தூரத்தை பார்க்க முடிகிறது.. காரணம் நான் என் முன்னோர்களின் தோள்களில் நின்று உலகை பார்க்கிறேன் என சிலர் அடக்கமாக சொல்வதுண்டு

இவர் சொல்வது வேறு.. என்னால் மற்றவர்களை விட அதிக தூரத்தை பார்க்க முடிகிறது.. காரணம் மற்றவர்களை விட நான் உயரமானவன்

ஒருவர் புகழுக்கு அவர் பேச்சு அல்ல.. செயலே அளவுகோல் என்ற குறள் விதியின் படி , இவர் தன் ஆய்வுகளால் ஆராய்ச்சிகளால் நினைவுகூரப்படுவார்


பல நூல்களும் எழுதியுள்ளார்

சார். உங்க புக் படிச்சேன்.. அப்படியே விறுவிறுப்பா இருந்துச்சு.. கொஞ்சம்கூட போரடிக்கல என யாராவது என்னிடம் சொன்னால் , அவனுக்கு அல்லது அவளுக்கு அந்த புத்தகம் புரியவில்லை போல என எண்ணிக்கொள்வேன் என்பார் இந்த மேதை

Saturday, May 25, 2019

ராஜிவ் நினைவகமும் ராகுல் விலகலும்

காங்கிரஸ் தோல்விக்கு பொறுப்பேற்று ராகுல் பதவி விலக நினைப்பது சரி என தோன்றவில்லை..

அவர் மிகவும் ஆக்கப்பூர்வமான பிரச்சாரத்தையே முன்னெடுத்தார்...

ஆனால் கூட இருந்தவர்களின் பொறுப்பற்ற பேச்சுகள் , அதீத இந்து எதிர்ப்பு பிரச்சாரத்தால் , இந்து ஓட்டுகளை வலுக்கட்டயமாக மோடி பக்கம் தள்ளியது , மூன்றாவது அணி என்ற பெயரில் சில கட்சிகள் ஓட்டை பிரித்தது போன்றவையே தோல்விக்கு காரணமாகும்

வழக்கமாக காங்கிர்ஸ் மீது பரிவு கொண்ட கேரளா , தமிழ் நாட்டில் காங்க்ரஸ் கூட்டணி வென்றுள்ளது

தெலுங்கானா பிரிப்பு விவகாரம் காரணமாக ஆந்திர மக்கள் காங் மீது கோபமாக இருப்பதால் , அங்கு வெல்ல முடியவில்லை

தெலுங்கானாவை பிரித்து கொடுத்த நன்றியை அவர்கள் காங்கிரஸ் மீது காட்டுவதை விட டிஆர் எஸ் மீது காட்டுவதால் அங்கும் தோல்வியே


இதை எல்லாம் காங்கிரஸ் மாற்ற வேண்டும்

மற்றபடி , காஷ்மீர் முதல் கன்னியாகுமரி முதல் வாக்கு வங்கி கொண்ட காங்கிர்ஸ் மீண்டும் எழும் என்பது உறுதி


காங்கிர்ஸ்காரர்கள் மட்டுமல்லாது அனைவருமே ஸ்ரீபெரும்புதூரில் உள்ள ராஜிவ் நினைவகம் செல்ல வேண்டும்


அழகான , அமைதியான , பாதுகாப்பான இடம்...


ராஜிவ் காந்தியின் தியாகம் வீண் போகக்கூடாது

மதச்சார்பின்மை , அறிவியல் வளர்ச்சி , கல்வி போன்ற அவர் கனவுகள் மெய்ப்பட உழைக்க வேண்டும் .. ராகுல் இதை உறுதி செய்ய வேண்டும்













Friday, May 24, 2019

பிஜேபிக்கு நன்றி சொல்லும் திமுக





அ தி மு க பிளவுபடாமல் இருந்து இருந்தால் , அதிமுகதான் வென்று இருக்கும் என்று தேர்தல் முடிவுகள் காட்டுகின்றன

பிஜேபி நினைத்து இருந்தால் அதிமுக பிளவை தடுத்திருக்கலாம்

ஆனால் அப்படி தடுத்து இருந்தால் , இன்னும் 20 ஆண்டுகளுக்கு தினகரன் ஒரு வலுவான தலைவராக அசைக்க முடியாத தலைவராகி இருப்பார்.

காங்கிர்ஸ் ஆளும் கட்சியாக இருந்தால், தினகரனை வளர்த்து விட்டு அவரிடம் அதிக சீட்கள் பெற முயன்று இருக்கும்.

ஆனால் வளர்த்து விட்டவர்களை மதிக்கும் பண்பு அரசியலில் அரிது

எனவேதான் தோற்றாலும் பரவாயில்லை என தினகரன் மீது பாராமுகமாகவே இருந்து வருகிறது பிஜேபி

இதன் பலன் தற்போதைக்கு திமுகவுக்கு கிடைத்துள்ளது

எனவே இந்த வெற்றிக்கு திமுக நன்றி சொல்ல வேண்டியது பிஜேபிக்குதான்


உண்மையான திராவிட இயக்கம் எது - அட்டகாசமான தீர்ப்பு தந்த தமிழக மக்கள்


தேர்தல் முடிவுகளை அதிமுக , திமுக , பாஜக , காங்கிரஸ் என அனைத்து அலுவலகங்களிலுமே ஸ்வீட் கொடுத்து கொண்டாடியதை மக்கள் ஆச்சர்யமாக பார்த்தனர் என சில  நாளிதழ்கள் செய்தி வெளியிட்டுள்ளன

இப்படி ஒரு நிலை - அனைவருமே மகிழும்படிதான் தேர்தல் முடிவு இருக்கும் என சொன்ன ஒரே வலைத்தளம் நம் வலைத்தளம்தான் என்பதை தொடர்ந்து படிப்பவர்கள் உணர்ந்திருப்பார்கள்

இப்படி சரியாக கணித்தேன் என்றால் அதற்கு காரணம் , இந்த கட்சி ஜெயிக்க வேண்டும் , இது தோற்க வேண்டும் என்பதெல்லாம் இல்லாமல் , நடு நிலையுடன் மக்கள் எண்ணத்தை கவனித்தேன் அவ்வளவுதான்

எதிர்பார்த்த தேர்தல் முடிவுகள்தான்

உண்மையான திராவிட இயக்கம் எது என்பதற்கான விடையும் கிடைத்துள்ளது


பாராளுமன்ற தேர்தலில் பிஜேபி அணியை தோற்கடித்து இது திராவிட மண் என மக்கள் காட்டியுள்ளனர்

அதே நேரத்தில் , சட்டசபை தேர்தலில் அதிமுகவுக்கு வாக்களித்து , அதிமுகதான் உண்மையான திராவிட இயக்கம் என்பதையும் நிரூபித்துள்ளனர்

அதிமுக மீதான அதிருப்தியாலும் பிளவு காரணமாகவும் எம் ஜி ஆர் விசுவாசிகள் பலர் வாக்களிக்கவில்லை

அப்படி இருந்தும் அதிமுக என்ற பெயருக்காகவே , திராவிட இயக்க பிதாமகன் எம் ஜி ஆரின் மரியாதைக்காகவே வாக்குகள் குவிந்துள்ளன

22 இடங்களில் நடந்த தேர்தலில் ஆட்சிக்கு தேவையான , 9 இடங்களில் அதிமுக வென்றுள்ளது

அது மட்டும் அல்ல.. தோற்ற 13 இடங்களில் நான்கில் திமுகவை விட அதிக வாக்குகள் அதிமுக பிரிவுகளுக்கு கிடைத்துள்ளன


ஆண்டிப்பட்டி

திமுக வெற்றி            - 66 , 310 வாக்குகள்

அதிமுக + அமமுக -  84,518


திருப்பரங்குன்றம்

வென்ற திமுக             - 85 ,376

அதிமுக + அமமுக -  1, 14,116


ஒட்டபிடாரம் 

வென்ற திமுக              - 73,241

அதிமுக + அமமுக       - 82,812


பெரியகுளம்

வென்ற திமுக               - 66,986

அதிமுக + அமமுக       - 72,201


ஆக , 22ல் அதிமுக 13ல் முன்னணி பெற்று திராவிட இயக்கம் என்றால் அதிமுக என காட்டியுள்ளது

பலவீனமான தலைமை , அதிருப்தி , கட்சி பிளவால் பலர் வாக்களிக்க வராமை என்பதை எல்லாம் தாண்டி இத்தனை வாக்குகள் என்றால் , நீட் தேர்வு , ஈழ படுகொலை , ஸ்டெர்லைட் போன்றவற்றில் காங்கிரசின் துரோகத்தை சரியாக மக்களிடம் கொண்டு போய் சேர்க்கும் ஆளுமை திறன் அதிமுகவில் இருந்திருந்தால் 22லுமே வென்று இருக்கும்

ஜெ இருந்திருந்தால் , 22 மட்டும் அல்லாது , பாராளுமனறத்திலும் தனித்து நின்று அனைத்தையும் வென்று இருப்பார் என்பதுதான் 2014 காட்டும் உண்மை

மக்கள் திராவிட இயக்கத்துக்கு ஆதரவான மன நிலையில் இருந்தாலும் அதை ஏற்கும் நிலையில் அதிமுக இப்போதைக்கு இல்லை என்பது வருந்தத்தக்கது


சோனியாவின் காலடியில் தமிழகத்தை வைக்க நினைப்பதை தடுக்கும் பொறுப்பு "திராவிட சிந்தனையாளர்களுக்கு உள்ளது




Followers- இவர்களின் லேட்டஸ்ட் போஸ்ட் என்ன? -http://blogs-lovedby-pichaikaaran.blogspot.com

விரைவான கருத்து பரிமாற்றத்துக்கு ....

hit

hit counter

Blog Archive

என்னை தெரியுமா - நான் சிரித்து பழகி கருத்தை கவரும் ரசிகன் என்னை தெரியுமா