Wednesday, December 4, 2013

ஜன்னல் ஓரம் - ஜாலியான பயணம்

இயக்குனர் கரு.பழனியப்பன் படங்களை எனக்கு பிடிக்கும்..  சுயமான சிந்தனை , வக்கிரம் இல்லாத காட்சிகள் , ரசனையான வசனங்கள், இயல்பான ஹாஸ்யம் என அவர் முந்தைய படங்களை ரசித்து இருக்கிறேன். ஆனாலும் க்ளிமேக்ஸில் கொஞ்சம் தடுமாறுகிறாரோ என எல்லா படங்களிலுமே நினைத்து இருக்கிறேன்.

மேட்ச்சில் சென்சுரி அடிப்பது பெரிய விஷ்யம்தான்.. ஆனால் அந்த மேட்ச்சை ஜெயிப்பது அதை விட பெரிது... அவரது சில படங்களில் செஞ்சுரி அடித்தும் தோல்வியுற்ற உணர்வை அடைந்து இருக்கிறேன்..

தன்னை சுயபரிசோதனை செய்து கொண்டு ,குறைகளை நீக்கி , பெரிய சூப்பர் ஹிட் படமாக ஜன்னல் ஓரம் படத்தை கொடுத்து இருப்பார் என நினைத்து ஆவலுடன் படத்துக்கு சென்றேன்.


வித்தியாசமான கதைக்களன் .. பார்த்திபனும், விமலும் ட்ரைவர் கண்டக்டர்கள்..கிராம மக்களுடனும் , பயணிகளிடம் கலகலப்பாக பழகுகிறார்கள்...விமலுக்கு ஏற்படும் காதல் , பார்த்திபனின் கலகலப்பான கேரக்டருக்கும் பின் இருக்கும் மெல்லிய சோகம், ராஜேசின் மகன், ராஜேஷ் வளர்க்கும் பெண், அவளை மானசீகமாக விரும்பும் சாமி, அவளை பெண் கேட்கும் ஜஸ்டின், கல்யாணியின் பிசினஸ் , ராஜேஷின் மகன் மரணத்துக்கு விமல் குற்றம் சாட்டப்படுவது , ஜீப் பயணம், போலீஸ்காரரின் வன்மம், பேருந்தை எதிரியாக நினைக்கும் ஊர் தலைவர் என ஏராளமான சம்பவங்கள்..

பஸ் பயணத்தின் போது , ஜன்னல் வழியே தோன்றி மறையும் காட்சிகள் போல பல சம்பவங்கள் தோன்றி மறைவது இயல்பாக இருக்கிறது...விமலின் காதல் , அதற்கு எதிர்ப்பு, பிறகு ஒன்று சேர்தல் என்ற நேர்க்கோட்டில் இல்லாமல் , பல்வேறு சம்பவங்களில் அந்த காதலும் ஒன்று என்ற உணர்வை ஏற்படுத்தி இருப்பது சூப்பர்..

இதில் ஏதாவது ஒரு சம்பவத்தை மட்டுமே வைத்து தனி நாவலாக எழுதலாம்..உதாரணமாக ராஜேஷ் அந்த பெண்ணை ஏன் வளர்க்கிறார் அல்லது பார்த்திபன் தன் தங்கைக்கு எப்படி மணம் முடித்தார் என்பதையெல்லாம் தனியாகவே சொல்லலாம்..ஆனால் படத்தின் நோக்கம் அது அல்ல என இயக்குனர்  தெளிவாக இருக்கிறார்..

இடைவேளை வரை கேலியும் கிண்டலுமாக படம் ஜாலியாக  பரபரப்பாக செல்கிறது...இது பெரும்பங்கு பாராட்டு பார்த்திபனையே சேரும்..

என்ன ஆச்சி?

அதிமுக ஆட்சி...

ஊரில் பாதிப்பேருக்கு சிவாஜி செத்ததே தெரியாது..

மீதீப்பேருக்கு?

எம் ஜி ஆர் செத்தது தெரியாது


வரும்போது இந்திய பிரதம்ர் மாதிரி அமைதியா இருந்த,,இப்ப தமிழக முதல்வர் மாதிரி இந்த போடு போடுற...

கிளாஸ் எடுப்பா..

(கண் கண்ணாடியை கொடுத்து விட்டு ) இதில் எப்படி சரக்கு அடிப்பான்?

டூயட் பாடுவது மட்டுமே நடிப்பு , அது மட்டுமே ஹீரோயிசம் என்ற தவறான கருத்து தமிழ் நாட்டில் இருக்கிறது... இந்த படத்தில் வயதுக்கேற்ற வேடம் ஏற்று , அதில் கலக்கி இருக்கும் பார்த்திபன் நிச்சயம் பாராட்டுக்கு உரியவர்.. இதுவும் ஹீரோயிசம்தான்... கலகலப்பாக இருந்தாலும் பொறுப்புணர்வு , தன் சகாவை காப்பாற்ற வேண்டும் என்ற துடிப்பு என நல்ல கேரக்டர்.

விமல் இந்த அளவுக்கு நடித்து பார்த்தது இல்லை... சூப்பர்.. நகைச்சுவை , காதல் என கலக்கி இருக்கிறார்... லெட்டரை கல்யாணி பார்த்தால் பிரச்சனை வரும் என பதறுவதிலும் , கோபத்தில் அறைவதிலும் புதிய தோற்றம் எடுத்து இருக்கிறார்..
ஹீரோயின் அளவான கிளாமர் ..சூப்பர்... அதேபோல ராஜேஷின் நடிப்பு , தெளிவான வசன உச்சரிப்பு என எப்போதும் போல சூப்பர்.

வித்யாசாகரின் மெலடியான இசை யுகபாரதியின் வரிகளுடன் வெற்றிகரமாக இணைந்து இருக்கிறது...மிகவும் ரசித்தேன்..பின்னணி இசையும் அருமை

இவ்வளவு பிளஸ்கள் இருந்தாலும் வின்னிங் ஷாட் அடிக்கையில் விக்கட்டை ப்றிகொடுத்து விட்டார் இயக்குனர்...

மெட்டி என்ற மகேந்திரன் படம் 120 நிமிடங்கள் என வைத்துக்கொள்ளுங்கள்... 110 ஆவது நிமிடத்தில்கூட கிளைமேக்ஸ் என்ன என யூகிக்க முடியவில்லை.. 110ஆவது நிமிடத்தில் ஒரு அருமையான பாடல் வருகிறது... 116 ஆவது நிமிடத்தில் கிளைமேக்சை நோக்கி படம் நகர்கிறது... 120 ஆவது நிமிடத்தில் படம் முடிந்து விடுகிறது..

இந்த படம் 120 நிமிடங்கள் என வைத்துக்கொள்ளுங்கள்..( ஓர் உதாரணத்துக்கு )  குற்றவாளியை கண்டுபிடிப்பதுதான் க்ளைமேக்ஸ் என நமக்கு தெரிந்து , படம் கிளைமேக்சை நோக்கி , 80 ஆவது நிமிடத்தில் நகர ஆரம்பிக்கிறது,...100 ஆவது நிமிடத்தில் குற்றவாளி யார் என தெரிந்து விடுகிறது..அத்ற்கு அப்புறமும் 20 நிமிடங்கள் படம் ஓடுவது சோர்வை ஏற்படுத்துவதை திரையரங்கில் உணர முடிந்தது..

மற்றபடி காட்சிகள் சுருக்கமாக தெளிவாக இருக்கின்றன...குற்றம் ஏன் நடந்தது,,..எப்படி நடந்தது என்பதை ஏற்கனவே தெரிந்த நிகழ்ச்சிகளை வேறொரு கோணத்தில் சொல்வது அருமை..

இன்னும் கொஞ்சம் செதுக்கி இ

ருந்தால் சூப்பர் ஹிட் ஆகி இருக்கும்..

ஆனாலும் அழகான ஒளிப்பதிவு , இனிமையான இசை , வக்கிரமற்ற நகைச்சுவை , இயல்பான கதை , தேர்ந்த நடிப்பு போன்றவற்றுக்காக ஒரு முறை பார்க்க வேண்டிய படம் இது... முறைப்படி அனுமதி வாங்கி எடுக்கப்பட்ட படம்...எனவே இதை திரை அரங்குகளில் பார்ப்பதே முறை.. நல்ல ஒலி வசதி உள்ள திரையரங்கில் பார்த்தால்  நன்றாக ரசிக்கலாம்...

ஜன்னல் ஓரம் - ஒரு தரம் 





8 comments:

  1. This is a remake of the Malayalam movie "Ordinary" starring Biju Menon, Kunchako Boban,and others. It was quite nice in Malayalam, I dont know how far the originality has been retained in the Tamil version.
    Same way, the Malayalam movie 22 Female Kottayam has been remade by Sripriya, ...Malini 22 Palayamkottai is the name I think. Again , the Malayalam movie was very gripping, don't know about the Tamil version.

    ReplyDelete
  2. கண்ணோட்டம் அதவிட தரமா இருக்கு பாஸ்....!

    ReplyDelete
  3. கண்ணோட்டம் அதவிட தரமா இருக்கு பாஸ்....!

    ReplyDelete
  4. உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...

    மேலும் விவரங்களுக்கு இங்கே (http://blogintamil.blogspot.in/2013/12/blog-post_5.html) சென்று பார்க்கவும்... நன்றி...

    ReplyDelete
  5. இப்ப மலையாள படத்தை ரீமேக் பண்ணுவதுதான் டிரெண்ட்போல!

    ReplyDelete
  6. நல்லதொரு விமர்சனம்

    ReplyDelete

NCcode enabled...மறுமொழியாக படங்களை சேர்க்க விரும்பினால் [im]பட முகவரி [/im]
உதாரணமாக [im]http://rajinifans.com/images/top_rajini.jpg[/im]

Followers- இவர்களின் லேட்டஸ்ட் போஸ்ட் என்ன? -http://blogs-lovedby-pichaikaaran.blogspot.com

விரைவான கருத்து பரிமாற்றத்துக்கு ....

hit

hit counter

Blog Archive

என்னை தெரியுமா - நான் சிரித்து பழகி கருத்தை கவரும் ரசிகன் என்னை தெரியுமா

My photo

 நானோர் பரதேசி... நல்லோர் கால் தூசி