இளையராஜா விழாவும் திராவிட இயக்க கலாச்சாரமும்

இளையராஜா விழா சமீபத்தில் நடந்தது..

100 ரூபாய் , 400 ரூ டிக்கெட் வாங்கியவர்கள் எல்லாம் 5000 ரூபாய்க்கான இருக்கைகளை ஆக்ரமித்து விடவே , 5000 ரூ டிக்கெட் வாங்கியவர்களுக்கு இடமில்லை.. ஏக ரகளை , தள்ளு முள்ளுகள்

இசை நுணுக்கத்தை , பாடல் சிறப்பை பேச வேண்டிய இளையராஜா , , எல்லோரும் அவரவர் இடத்துக்கு செல்லுங்கள் , அமைதியாக இசையை கேளுங்கள் என  எல் கே ஜி ஆசிரியர் மாணவர்களிடன் பேசுவதுபோல மேடையில் பேச வேண்டிய சூழல் உருவானது...

ஜே கிருஷ்ணமூர்த்தி நிகழ்ச்சி ஒன்றில் ஒலிபெருக்கியில் அலறிய பாடல்களின் இடைஞ்சல் தாளாமல் , பேச்சை நிறுத்தி விட்டு வெளியேறிய வரலாறும் நமக்கு உண்டு


திராவிட இயக்கம் , இதுபோன்ற் சூழல் தவ்று என்பதை சுட்டுக்காட்டியது மட்டும் அல்ல.. இதற்கு எதிராக போராடியும் வந்துள்ளது

பகுத்தறிவு என்பது கடவுள் மறுப்பு என சிலர் சுருக்கினாலும் , எம்ஜி ஆரோ , அண்ணாவோ ஒரு போதும் அப்படி நினைத்தவர்கள் அல்லர்


 ஒரு நிகழ்ச்சியில் எம் ஜி ஆர் பேச வருகிறார். அனைவரும் அமைதியாக கவனமாக பேச்சை கேட்கின்றனர்

அப்போது அவர் சொல்கிறார்

இப்போது எப்படி கவனமாக என் பேச்சை கேட்கிறீர்கள்.. இதுபோல அமைதியாக எனக்கு முன்னால் பேசிய மு வ பேச்சை நீங்கள் கேட்டிருந்தால் உங்கள் அறிவு விசாலப்பட்டு இருக்கும்.. நான் அப்படித்தான் கேட்டேன்..பல விஷ்யங்களை தெரிந்து கொண்டேன் என்றார்

தன்னை எதிர்த்து பேசிய சின்ன அண்ணாமலையை , அழைத்து தன்னை எதிர்த்து பேச சொல்லி , இயக்க தோழர்கள அனைவரும் அமைதியாக கேட்க வேண்டும் என உத்தரவிட்டார் பெரியார்.. சின்ன அண்ணாமலை தன்னை திட்டி பேசி முடித்ததும் , அன்பளிப்பு அளித்து அனுப்பியவர் பெரியார்


காமராஜர் எளிமையைப்பார்த்தால் நமக்கெல்லாம் கூச்சமாக இருக்கிறது..எப்பேற்பட்ட தலைவர் என வியந்து சொன்னவர் அண்ணா... காமராஜரை தோற்கடித்தவருக்கு பதவி தருவது நன்றாக இருக்காது என சொல்லி குணமெனும் குன்றேறி நின்றவர் அண்ணா

 ராஜிவ் நினைவிடம் சென்னையில் உள்ளது... அழகிய புல் வெளி... மற்றபடி விலை உயர்ந்த பொருட்களோ ராணுவ ரகசியமோ இல்லை’

ஆனால் ஆயுதம் தாங்கிய காவலர்கள் அதை பாதுகாக்கின்ற்னர்.. உள்ளே நுழையும் முன் சோதனை செய்த பின்னே அனுமதிக்கின்றனர்

ஏன்?

உள்ளே செல்பவர்கள் அங்கேயே மலம் கழிக்க கூடாது.. சிறு நீர் கழித்து விடக்கூடாது..கண்டதை தின்று குப்பைகளை போடக்கூடாது, மது அருந்தி பாட்டில்களை போடக்கூடாது.. உடல் உறவு கொள்ளக்கூடாது என்பதற்காகத்தான் இத்தனை பாதுகாப்பு

மிகவும் அசிங்கமாக இருந்தது


திராவிட இயக்க சேவைகளின் பலனை அனுபவிக்கும் நாம் அண்ணா  பெரியார் , எம் ஜி ஆர் போன்றோர் காட்டிய மாண்புகளை என்றும் விட்டு விடக்கூடாது

கடமை கண்ணியம் கட்டுப்பாடு = அண்ணாயிசம் 

ரஜினியை உருவாக்கிய , எம்ஜிஆரால் உருவாகிய மகேந்திரன்

என்ன படம் எடுக்கிறீர்கள்.. கொஞ்சம் கூட யதார்த்தமே இல்லையே என எம் ஜி ஆர் முகத்துக்கு நேராகவே விமர்சித்தவர் இயக்குனர் மகேந்திரன்

சரி.. நீதான் நல்ல படம் எடுத்துக்காட்டு பார்க்கலாம் என அவரை சென்னைக்கு வரவழைத்து சினிமாவுக்கு முயற்சி செய்ய சொன்னார் எம் ஜி ஆர்

அவரும் சென்னை வந்து விட்டார்..

ஒரு நாள் அவருடன் பேசியபோதுதான் , நண்பர்கள் அறையில் தங்குவதையும் அவர்கள் தயவில் சாப்பிடுவதையும் அறிந்தார் எம் ஜி ஆர்

வசதியான பையன் என நினைத்ததால் அவரது செலவுகளைப் பற்றி யோசிக்காமல் வரவழைத்து விட்டோமே என நினைத்த எம் ஜி ஆர் , நான் ஒரு பாவி, நான் ஒரு பாவி என கண்கலங்க தன் தலையில் அடித்துக்கொண்டார். அன்று முதல் மகேந்திரனுக்கு மாதம் தோறும் உதவி தொகை வழங்கி வந்தார்

முள்ளும் மலரும் படம் பார்த்த எம் ஜி ஆர் , என்னிடம் சவால் விட்ட மாதிரி நல்ல படம் எடுத்து விட்டீர்கள்.. வார்த்தை வராமல் தவிக்கிறேன்,, பிறர் பாராட்டுகளை படித்தும் கேட்டும் மனம் பூரித்துப்போய் இருக்கிறது.. பிறர் சொல்வது என்ன.. நான் சொல்கிறேன்,,, முள்ளும் மலரும் படம் இந்திய சினிமாவின் ஒரு திருப்பு முனை எனலாம்

கடைசி காட்சியில் ரஜினி சொல்வாரே... இப்பவும் உங்களை எனக்கு பிடிக்கல சார்.. ஆனா அவளுக்கு பிடிச்சு இருக்கு.. 

அந்த காட்சியில் எழுந்து நின்று கைதட்டினேன்..

இப்படி மகேந்திரனை வளர்த்து விட்டு ரசித்தவர் எம் ஜி ஆர்

சிவாஜி மட்டும் என்ன,.. மகேந்திரனை கொண்டாடியவர் அவர்

தங்கப்பதக்கம் படத்தில் சிவாஜியின் மனைவி இறந்து விடுகிறார்.. அந்த காட்சிக்கு வசனம் எழுத வேண்டிய மகேந்திரனை அழைத்தார் சிவாஜி

தம்பி.. இது முக்கியமான காட்சி,, வசனங்கள் அருமையாக இருக்க வேண்டும்.. நன்கு யோசித்து விரிவாக எழுது என்றார்

மகேந்திரனும் யோசித்து எழுதினார்’’

அடுத்த நாள் அவர் காட்டிய பேப்பரை பார்த்த சிவாஜிக்கு அதிர்ச்சி.

என்னப்பா இது ,, பேப்பரில் எதுவுமே இல்லையே? என்றார்

இந்த காட்சிக்கு வசனமே தேவையில்லை சார்.. உங்க முகபாவமும் நடிப்புமே போதும்.. உங்கள் மனைவியை பார்த்ததும் பழைய நினைவுகளால் துடிக்கிறீர்கள்.. கதறுகிறீர்கள்..அதுபோதும் என்றார் மகேந்திரன்’

புதியவன் என நினைக்காமல் அவர் சொன்னதை மதித்து ஏற்றார் நடிகர் திலகம்.. அந்த காட்சி வெகு சிறப்பாக அமைந்தது


ரஜினியை தன் இரண்டாம் தாய் என குறிப்பிடுபவர் மகேந்திரன்.. மகேந்திரன் தன்னை தனக்கே அடையாளம் காட்டியவர் என்பவர் ரஜினி

என்னப்பா..உனக்கு பிடித்த இயக்குனர் மகேந்திரன் என சொல்லி இருக்கிறாயே..என்னை எல்லாம் பிடிக்காதா என பாலச்சந்தரே விளையாட்டாக கேட்கும் அளவுக்கு மகேந்திரனை போற்றியவர் ரஜினி

 நானெல்லாம் மாதம் ஒரு முறையாவது ஏதாவது ஒரு சந்தர்ப்பத்தில் மகேந்திரன் குறித்து பேசுபவன் ,, எழுதுபவன்

ஓர் உதாரணம்.. மகேந்திரன் பழைய பதிவு


அந்த வகையில் மகேந்திரன் மறைவு பெரிய துக்கம் ..

ஆனாலும் பேட்ட எனும் மெகா ஹிட படத்தில் நடித்து தன் நண்பனின் பெரிய வெற்றியில் கலந்து கொண்ட மகிழ்ச்சியுடன் விடை பெறுகிறார் என்பதில் சின்ன ஆறுதல்

எம் ஜி ஆர் திரைப்படங்களும் அரசியலும்

சினிமா மூலம் எம் ஜி ஆர் வளர்ந்ததாக நினைத்து பலர் அரசியல் படங்கள் எடுக்கின்றனர்..

ஆனால் இந்த ஃபார்முலா ஒரு போதும் வெற்றி அடைந்ததில்லை.. எம் ஜி ஆரே கூட , தன் படங்களில் அரசியல் விளக்க படங்களாக எடுத்தது கிடையாது..

தன் படங்கள் நன்றாக இருக்க வேண்டும் பாடல்கள் நன்றாக இருக்க வேண்டும் என்பதுதான் அவர் நோக்கமாக இருந்தது.. அவர் முதல்வராக ஆசைப்பட்டு இருந்தால் , அண்ணா மறைவுக்கு பின் எளிதாக அதை அடைந்திருக்கலாம்.. அவருக்கு சினிமாதான் முக்கியமாக இருந்தது

அவரது ரசிகர்களுக்கு திமுக தொல்லை கொடுக்க ஆரம்பித்தபோது ரசிகர்களின் கோரிக்கைக்கு இணங்கிதான் அவர் கட்சி ஆரம்பிக்க வேண்டிய சூழல் ஏற்பட்டது

தேர்தலில் வென்ற பின்பும் கூட , படப்பிடிப்பை முடித்த பின்புதான் முதல்வராக பதவியேற்றார்...

முதல்வரான பின்பும்கூட ஒரு படம் நடக்க பேச்சு நடந்தது... விளம்பரங்களும் வெளியாகின.. இசை : இளைய ராஜா...

அந்த அளவுக்கு சினிமாவை காதலித்தார் அவர்

இப்போது பலர் சினிமாவை , அரசியலுக்கான ஒரு விசிட்டிங் கார்டாக நினைக்கின்றனர்

அப்படி நினைத்து எடுக்கப்படும் படங்கள் மக்கள் மனதில் நிற்பதில்லை... இதற்கு எத்தனையோ உதாரணங்கள் உள்ளன

கலைஞர் vs புரட்சித் தலைவர் எலுமிச்சம்பழ யுத்தம் - சுவராஸ்ய ஃபிளாஷ்பேக்

 அண்ணா மறைவுக்குப் பின் யார் முதல்வர் என்ற குழப்பம் ஏற்பட்டது...   திமுகவின் முன்னணி தலைவராக விளங்கிய நாவலரை ஓரம் கட்டி தான் முதல்வராக கலைஞர் முயற்சி செய்து கொண்டிருந்தார்,., பலர் மக்கள் திலகத்தையே முதல்வராக்க விரும்பினர்

இந்த சூழலில் அடிமைப் பெண் படப்பிடிப்பில் இருந்த எம் ஜி ஆரை , கலைஞர் சந்தித்துப் பேசினார்... பேச்சின் முடிவில் கலைஞரை முதல்வராக்க எம் ஜி ஆர் ஒப்புக்கொண்டார்...

சினிமா புகழ் போதும் என நினைத்ததும் ,  நல்லாட்சி தருவதாக கலைஞர் அளித்த உறுதி மொழியும் எம் ஜி ஆரை இந்த முடிவுக்கு வர வைத்தன

ஆனால் எம் ஜி ஆர் எதிர்பார்த்த நல்லாட்சியாக அந்த ஆட்சி அமையவில்லை... கட்சியினர் எம்ஜி ஆரிடம் முறையிட்டனர்,...     குறிப்பாக எம் ஜி ஆர் ரசிகர் மன்றத்தினர் கொந்தளிப்பில் இருந்தனர்

  கலைஞர் சமாதான பேச்சு வார்த்தை நடத்தி , இனி தவறுகள் நடக்காது என் உறுதி அளித்தார்...  திமுகவில் பிரச்சனைகள் வேண்டாம் என எம் ஜி ஆர் தன் ஆதரவாளர்களுக்கு அறிவுறுத்தினார்

சைதை துரைசாமி போன்றோர் , காரில் ஏற இருந்த எம் ஜி ஆரை தடுத்து நிறுத்தி , எம் ஜி ஆர் ரசிகர் மன்றத்தை கலைத்து விட்டு முக முத்து ரசிகர் மன்றம் அமைக்க தலைமை தொந்தரவு கொடுப்பதாக குற்றம் சாட்டினர்...  எம் ஜி  ஆர் , பொறுமையாக இருங்கள்.. நான் பார்த்துக் கொள்கிறேன் என்றார்

இது நடந்து சில நாட்களிலேயே எம் ஜி ஆர் கணக்கு கேட்டார்... பெரியார் , அண்ணா போன்றோர் கட்டிக்காத்த திராவிட பாரம்பரியத்துக்கு எதிராக ஆட்சி நடப்பதாக குற்றம் சாட்டினார்

இதனால் எம் ஜி ஆர் கட்சியை விட்டு நீக்கப்பட்டார்... தமிழ் நாடே கொந்தளித்தது... எம் ஜி ஆர் படம் ஒட்டப்படாத வாகனங்கள் சாலையில் ஓட முடியாத நிலை ஏற்பட்டது


மக்கள் விரோத எம் எல் ஏக்கள் தம் பதவிகளை ராஜினாமா செய்யக்க்கோரி அந்தந்த பகுதி மக்கள் அவர்களிடம் மனு அளிக்க வேண்டும் என எம் ஜி ஆர் கோரினார்

அதன்படி கலைஞரை சந்திந்த சைதை துரைசாமி மனு அளித்தார். அதை வாங்கிய கலைஞர் , சைதை துரைசாமிக்கு எலுமிச்சம் பழம் அளித்தார்... ஏதோ நினைவுப் பரிசு போல என நினைத்து அவர் வாங்கிக்கொண்டார்

பிறகு பேட்டி அளித்த கலைஞர், எம் ஜி ஆர் ஆதரவாளர்களுக்கு மூளை குழம்பி இருக்கிறது.. அதனால்தான் தலையில் தேய்த்து குளிக்க எலுமிச்சை அளித்தேன் என்றார்... இது தலைப்பு செய்தி ஆனது... எம் ஜி ஆருக்கு இதில் வருத்தம்’

சில நாட்கள் கழித்து , திமுக கூட்டம் ஒன்று சைதையில் நடந்தது

கலைஞர் பேசி முடித்ததும் ஒவ்வொருவராக வரிசையில் நின்று அவருக்கு மாலை அளித்தனர்

சைதை துரைசாமியும் மேடை ஏறினார்.. கலைஞருக்கு எலுமிச்சம்பழ மாலை ஒன்றை அணிவித்தார்...  எம் ஜி ஆரை நீக்கிய உங்களுக்கும் உங்கள் ஆதரவாளர்களுக்கும்தான் எலுமிச்சம்பழ சிகிச்சை தேவை என்றார்..

மக்கள் ஆதரவை இழந்த கருணா நிதியே ...ராஜினாமா செய் என கோஷம் எழுப்பி விட்டு கிளம்பினார்


அவனை பிடிங்கடா...என கலைஞர் உத்தரவிடவே கட்சியினர் அவரை சூழ்ந்து கொண்டு தாக்கினர்... உயிருக்கு ஆபத்தான நிலையில் மருத்துவமனையில் அனுமதிக்கப்பட்டார்

அதன் பின் எம் ஜி ஆர் தன் நேரடி கவனிப்பில் சைதை துரைசாமியை வைத்துக்கொண்டார்

அதன் பின் , அதிமுக வெற்றி மேல் வெற்றிகளை குவிக்க ஆரம்பித்ததும் , சைதை துரைசாமிக்கு மிரட்டல்கள் குறைந்தன