Showing posts with label எம் ஜி ஆர். Show all posts
Showing posts with label எம் ஜி ஆர். Show all posts

Tuesday, December 24, 2024

உயர் மனிதனை உருவாக்கும் குணம் எம் ஜி ஆர் பற்றி சரோஜா தேவி

எம்.ஜி ஆரிடம் இருந்து பல விஷயங்களை க ற்றுக் கொள்ள வேண்டும். உதாரணத்திற்கு, யார் வந்தாலும் முதலில் தன்னை அறிமுகப் கொண்டு தான், தானே பேச ஆரம்பிப்பார் இந்த பண்பு இன்று பலரிடம் இல்லை. என்னதான் பெரிய ஆளாக இருந்தாலும் முதலில் நாம் அறிமுகம் செய்து கொண்டால், எதிர் இருப்பவர் மகிழ்ந்து சகஜமாக பேசுவதற்குத் தயாராகிவிடுவார். இதை சின்னவர் இன்று வரை அவரை நான் இப்படித்தான் அழைப் பேன். (பெரியவர் எங்கள் எல்லோருக்கும் சக்ரபாணி அண்ணன் தான்) பலமுறை செய்து நான் பார்த்துள் ளேன்.


என்னுடைய பிறந்த நாள் ஜனவரி 7. அவருடைய பிறந்த நாள் 17. அவர் என்றுமே தன்னுடைய பிறந்த நாளை கொண்டாட மாட்டார். அவரது ரசிகர்கள் தா ன் கொண்டாடுவார்கள். பலமுறை அவரது பிறந்த நா ளில் அவர் படப் பிடிப்பில் இருந்துள்ளார்.


என்னுடைய பிறந்த நாள் அன்று காலையில் எனக்கு வரும் முதல் தொலைபேசி வாழ்த்து எம்.ஜி.ஆரிடம் இருந்துதான் வரும். என் வீட்டில் எனது தாயார் சத்யநாராயணா பூஜை செய்வார். ஒரு முறை என் பிறந்த நாளில் நேராக மனைவி ஜானகி அம்மாவுடன் காலையிலேயே வந்துவிட்டார். எனக்கு கையும் ஓட வில்லை; காலும் ஓடவில்லை. என் அம்மா சத்யநாராயணா பூஜை செய்து கொண் டிருந்தார். ராமச்சந்திரனும் சத்யநாராயணனும் ஒன் றுதான் என்று என் அம்மா சொன்னவுடன் ஒன்றும் சொல்லாமல் என்னை வாழ்த்தி விட்டு சென்றார்.


நான் என் அம்மா சொன்னால் என்றுமே தட்ட மாட்டேன். ஒரு முறை 'நான் ஆணையிட்டால்' படம் என்று நினைக்கிறேன். நான் நைட் ஷூட்டிங் கில் பிரேக் விட்டதும், அசதியாக வந்து உட்கார்ந் தேன். எனக்கு அசைவ பிரியாணியை அளித்தார் எம்.ஜி.ஆர். ‘இன்று சனிக்கிழமை அதனால் நான் அசைவம் சாப்பிட மாட்டேன். இது அம்மா சொன் னது' என்று கூறினேன்.


'ஷூட்டிங் பன்னிரண்டு மணியை தாண்டிவிட் டது. இப்பொழுது சாப்பிடலாமே!' என்றார். 'எங் களைப் பொருத்தவரை சூரியோதயமானால்தான் அடுத்த நாள். காலையில் 6 மணிக்குத்தான் அடுத்த நாளே பிறக்கும். இதுவும் என் அம்மாதான் சொல் லியுள்ளார்கள்' என்றேன். தன்னுடன் அமர்ந்திருந்த பலரிடம், 'இந்த சின்ன வயசிலே இந்த பொண்ணு அம்மா பேச்சை தட்டாமல் கேக்குறா பாரு!' என்று சொன்னது இன்றும் என் காதுகளில் ஒலித்துக் கொண் டிருக்கிறது.


அவர் எப்பொழுதுமே நமது கலாசாரம், பண்பாடு இவைகளைப் பின்பற்றினால் பெருமைப்படுவார். அவரிடம் எந்த ஒரு தீய குணத்தையும் நான் பார்த்த தில்லை. அதேபோல் மற்றவர்களை தவறாக பேசியதும் இல்லை 

நடிகர்கள் வெளியே போனால் கூட்டம் கூ டிவிடுகிறது சாலைகளிலோ கடை தெருவிலோ ந டந்து போக முடியவில்லை' என்று நாங்கள் அவரிடம் குறை பட்டோம். இதை மனதில் கொண்டு ஒருநாள் முழுவதும் பல்வேறு கடைகளை கோல்டன் ஸ்டுடியோவில் அமைத்தார். அவர்களும் சந்தோஷ மாக வர நாங்கள் எல்லோரும் ஒவ்வொரு கடையாக பார்த்துக் கொண்டே சென்றோம்.


ஒரு நகைக்கடையையும், அதில் உள்ள ஒரு நெக்லஸையும் (Necklace) பார்த்து ஆசைப்பட்டு நான் வாங்க விரும்பினேன். கடைக்காரர் 'இந்த நெக்லஸை சாவித்திரி அம்மா முதலிலேயே வாங்கி விட்டார். அதற்கான அட்வான்ஸ் தொகையையும் கொடுத்துவிட்டார்' என்றார். இதைக் கேட்ட என் முகம் சுருங்கி விட்டது. எனக்கு அந்த நெக்லஸை வாங்க முடியாததில் ரொம்ப வருத்தம்.


அதற்குப் பிறகு நாங்கள் நடித்த படம் 'தாயை காத்த தனயன்'. படத்தை தயாரித்தது தேவர் பிலிம்ஸ். ஆனால் அதை வாங்கி வெளியிட்டது எம்.ஜி.ஆர். பிக்சர்ஸ். அதன் வெற்றி விழாவில் எனக்கு முன் மேடைக்குச் சென்ற அசோகன் ஒரு சின்ன பெட்டி யுடன் இறங்கி வந்தார். என் பெயர் அழைத்தபோது நான் சென்று மேடையில் நின்றேன். ஒரு பெரிய பெட்டி என் கையில் கொடுக்க நான் வாங்கி வந் தேன். கீழே வந்து உட்கார்ந்தவுடன் மெல்ல திறந்து பார்த்தேன். என் கண் பார்ப்பதை என்னாலே நம்ப முடியவில்லை. எந்த நெக்லஸை நான் வாங்க முடிய வில்லை என்று வருத்தப்பட்டேனோ, அந்த நெக்லஸ் எனக்குப் பரிசாக மேடையில் தரப்பட்டவுடன் நான் அடைந்த ஆனந்தத்திற்கு அளவே இல்லை.


என்னைப் பொருத்தவரையில் சொந்த தாயை விட ஒரு படி மேலே சென்று அன்பை பொழிபவர் எம்.ஜி.ஆர். அவர் முதலமைச்சரான பிறகும் கூட நான் அழைத்தால் உடனேயே என்னை தொடர்பு கொண்டு பேசும் அன்பாளர், கடைசி வரை என்னை தனது கட்சியில் சேரவேண்டும் என்று அவர் சொன் னதே இல்லை. எம்.ஜி.ஆர். இன்று அல்ல என்றுமே வாழ வைக்கும் தெய்வம் 




Saturday, June 1, 2019

பெருந்தன்மையில் போட்டு போட்ட எம்ஜிஆர் , கண்ணதாசன்

அறிமுக நடிகர்களை வைத்து காதலிக்க  நேரமில்லை போன்ற ஹிட்களை கொடுத்தவர் ஸ்ரீதர்


சில பிரச்சனைகளால் பொருளாதார நெருக்கடிகளில் சிக்கினார்

அவருக்கு கால்ஷீட் கொடுத்து உதவ முன்வந்தார் மக்கள் திலகம்

இதற்கிடையே கண்ணதாசனிடம் பாடல்கள் எழுதச்சொல்லி வாங்கி வைத்திருந்தார் ஸ்ரீதர்

விழியே கதை எழுது பாடலை எழுதிக்கொடுத்தார் கண்ணதாசன்

இன்னொரு பாடலின் ஆரம்ப வரிகள் மட்டும் எழுதினார்

கல்யாண வளையோசை கொண்டு
காற்றே நீ முன்னாடி செல்லு
கல்யாண வளையோசை கொண்டு
காற்றே நீ முன்னாடி செல்லு
பின்னாடி நான் வாரேன் என்று
கண்ணாளன் காதோடு சொல்லு

 மிச்சத்தை பிறகு எழுதுவதாக சொல்லி சென்று விட்டார்


சிலர் ஸ்ரீதரிடம் சென்று , கண்ணதாசனுக்கு எம் ஜி ஆருக்கும் ஆகாது... எனவே இந்த பாடல்கள் வேண்டாம்.. எம் ஜீ ஆர் கோபித்துக்கொள்வார் என்றார்கள்

இயக்குனருக்கோ பாடலை இழக்க மனமில்லை.. கண்ணதாசனிடமே சென்று கேட்டார்

மிச்சப்பாடல்களை வாலியை வைத்து எழுதிக்கொள்ளுங்கள்

இந்த பாடல்களுமே வாலி பெயரிலே வரட்டும் என பெருந்தன்மையாக சொல்லி விட்டார் கண்ணதாசன்

பாடல்களைக்கேட்டார் எம் ஜி ஆர்

மனதில் வடித்து வைத்த சிலைகள்- அதில்
மயக்கம் பிறக்க வைத்த கலைகள்
மேகங்கள் போல் நெஞ்சில் ஓடும்
வானத்தை யார் மூடக்கூடும்

யார் எழுதியது என்றார்

வாலி என்றார்கள்

புன்னகைத்த  எம் ஜி ஆர் சொன்னார்

இல்லை.. இது கண்ணதாசன் பாணி பாடல் என்றார்

ஆம் ,மன்னித்து விடுங்கள் என்றார் இயக்குனர்


எனக்கும் அவருக்கும் அரசியல் ரீதியாகத்தான் பிரச்சனை

அவர் பாடல்களுக்கு நான் ரசிகன்,., இந்த பாடல் அவர் பெயரிலேயே வரட்டும் என்றார் எம் ஜி ஆர்

படத்தில் கண்ணதாசன் பெயர் வரும்.. ஆனால் இசைப்பேழைகளில் வாலி பெயரில்தான் பாடல் வந்தது

 

Thursday, March 21, 2019

தம் படங்களை பார்க்க கூடாது என ஆணையிட சிவாஜியும் , எம்ஜிஆரும் - வினோத வரலாறு


அசோகனுக்கு நடிப்பு சொல்லிக்கொடுத்த சிவாஜியின் பெருந்தன்மை குறித்து எழுதினேன் அல்லவா..

ஆனால் அசோகன் அந்த நன்றியையோ மரியாதையையோ காட்டவில்லை... எம் ஜி ஆரிடம் நல்லபேர் வாங்க வேண்டும் என்பதற்காக சிவாஜியை தரக்குறைவாக பேசினார்.. தனியாகவும் சரி.. மேடைகளிலும் சரி.. இப்படி பேசி வந்தார்

அப்படி இருந்தும்கூட , வேறொரு சம்பவத்தில் எம் ஜி ஆரின்  கோபத்துக்கு ஆளானார்..

அசோகன் தயாரிப்பில் உருவாகி வந்த , தான் நடித்த  நேற்று இந்த நாளை படத்துக்கு தன்னால் முடிந்த இடைஞ்சல்களை செய்தார் எம் ஜி ஆர்

படம் ரிலிசான பிறகும் , தொல்லைகள் தொடர்ந்தன.. தான் நடித்த படம் தோல்வி அடைந்தாலும் பரவாயில்லை.. அசோகன் அழிய வேண்டும் என நினைத்து தன் படத்தையே ஃபிளாப் ஆக்கினார் எம் ஜி ஆர்.. அந்த படத்தை யாரும் பார்க்க வேண்டாம் என தன் ரசிகர்களுக்கு ஆணையிட்டார்

இது ஓரளவு பலருக்கு தெரிந்த கதைதான்

சிவாஜியும் இப்படி தன் படத்தை பார்க்க வேண்டாம் என சொன்னதும் , விளம்பரமே கொடுத்ததும் பலருக்கு தெரியாது... அதை பார்ப்போம்

சிவாஜி நெகட்டிவ் நாயகனாக நடித்த படம் திரும்பி பார்.. கலைஞர் வசனத்தில் உருவான படம்.. நேருவை செம கிண்டல் செய்திருப்பார்கள்

(படம் குறித்த என் பார்வை)

சிவாஜிக்கு நல்ல பேர் கிடைத்த படங்களில் ஒன்று இது

சில ஆண்டுகளில் சிவாஜி காங்கிரசின் தலைவர்களில் ஒருவராக உயர்ந்தார்...

காங்கிரஸ் காமராஜர் தலைமையில் ஸ்தாபன காங் என்றும் இந்திரா காந்தி தலைமையில் இந்திரா காங் என்றும் செயல்பட்ட காலம்.. காமராஜர் விசுவாசியாக இருந்த சிவாஜி , அந்த கட்சியின் செல்வாக்கை உயர்த்தும் பொருட்டு , மாபெரும் கூட்டங்களில் பேசலானார்..

அவர் கூட்டங்களுக்கு கட்டணம் நிர்ணயித்து அனுமதி அளித்தாலும் பெருங்கூட்டம் கூடும் அளவுக்கு செல்வாக்கு இருந்தது


சிவாஜியின் இந்த வீச்சை குறைக்க கலைஞர் திட்டம் தீட்டி ஒரு பிரமுகருக்கு யோசனை அளித்தார்.. அந்த பிரமுகர் அதன்படி , திரும்பி பார் படத்தின் வினியோக உரிமையை பெருந்தொகைக்கு வாங்கினார்..

இப்போதெல்லாம் எந்த படமும் ஒரு வாரத்துக்கு பின் தியேட்டர்களில் கூட்டத்தை ஈர்ப்பதில்லை...காரணம் நிறைய தியேட்டர் ரிலீஸ் , டிவி வெளியீடு என பல

ஆனால் அந்த காலத்தில் , ஒரு படம் இரண்டாம் முறை ரிலிசானாலும் நல்ல கூட்டம் வரும்...

எனவே பெருந்தொகைக்கு படத்தை வாங்கிய அவர் , ஊர் முழுக்க இப்படி விளம்பரம் செய்தார்

நய வஞ்சகன் ,  பெண் பித்தன் , தீமையின் உருவம்... உங்களை காண வருகிறான்... வந்து பாருங்கள்... திரும்பிப் பார்


படத்துக்கு விளம்பரம் கொடுப்பதுபோல கூட்டங்களுக்காக சுற்றுப்பயணம் செய்யும் சிவாஜியை கேலி செய்தார் அவர்

இப்படி செய்தால் படம் நல்ல வசூல் செய்யும்தான்,.. சிவாஜிக்கு ஒரு நடிகராக அது நல்லதுதான்.. ஆனால் காங்கிரஸ் பாதிப்படையும்

எனவே தன் தொழில் பாதிக்கப்பட்டாலும் பரவாயில்லை என சிவாஜி விளம்ப்ரம் கொடுத்தார்

திரும்பிப்பார் படம் - யாரும் பார்க்காதீர்கள்

இதை எதிர்பாராத வினியோகஸ்தர் பயந்து போய் மன்னிப்பு கேட்டு , தன் இழிவான விளம்பரத்தை வாபஸ் பெற்றார்







Sunday, March 10, 2019

எம் ஜி ஆரின் ஸ்பெஷல் முத்தம்

அந்த காலத்தில் எம் ஜி ஆரும் சிவாஜியும் நடிப்பில் மட்டும் அல்ல... அரசியலிலும் இரு துருவங்களாக இருந்தனர்

இருவர் ரசிகர்களுக்கு இடையேயும் கடும் மோதல் போக்கு நிலவியது

எம் ஜி ஆர் தன்னை அவமதிப்பதாக நினைத்த சிவாஜி நடிகர் சங்க கூட்டங்களுக்கு இனி வர மாட்டேன் என சபதமிட்டு இருந்தார்..

அப்படி இருந்த அவர்கள் கடைசி காலங்களில் ஒருவரை ஒருவர் மதிக்க ஆரம்பித்தனர்

எம் ஜி ஆர் அமெரிக்காவில் சிகிச்சை பெற்றபோது அவரை சந்திக்க அனுமதிக்கப்பட்ட வெகு சிலரில் சிவாஜியும் ஒருவர்

சிவாஜி நடிப்பை கேலி செய்து வந்த எம் ஜி ஆர் , தான் முதல்வராக இருந்தபோது சிவாஜியின் மிருதங்க சக்கரவர்த்தி படத்தை அவ்வளவுதூரம் ரசித்துப்பார்த்தார்

உலகின் சிறந்த நடிகர் சிவாஜி... இதை என் கருத்தாக உன் அப்பாவிடம் சொல் என பிரபுவிடம் சொன்ன எம் ஜி ஆர் , அந்த படத்துக்காக சிவாஜிக்கு அரசின் சார்பில் பரிசு வழங்கி மகிழ்ந்தார்

ஜல்லிக்கட்டு பட வெற்றி விழாவில் எம் ஜி ஆர் அதில் நடிதவர்களுக்கு நினைவுப்பரிசு வழங்கினார்

சிவாஜிக்கு வழங்கும்போது முத்தமிட்டு மகிழ்ந்தார்

அடுத்து நம்பியாருக்கு வழங்கும்போது  எனக்கும் முத்தம் வேண்டும் ..இல்லை என்றால் பரிசு வேண்டாம் என குழந்தைபோல சண்டையிட்டார் நம்பியார்

சிரித்த முதல்வர் எம் ஜி ஆர், அது ஸ்பெஷல் முத்தம் ,,, உங்களுக்கு இல்லை என்றார்

சிவாஜியும் குழந்தைபோல சிரித்தபடி நம்பியாரை விளையாட்டாக அடித்தார்

கடைசியில் எம் ஜி ஆர் நம்பியாருக்கும் முத்தம் கொடுத்தார்

மூன்று மேதைகள் அந்த மேடையில் குழந்தைகளாக மாறி ஒருவரை மேல் ஒருவர் வைத்துள்ள அன்பை மரியாதையை காட்டியது ஓர் அரிய நிகழ்வாக அமைந்தது

காரணம் , அதன் பின் சில மாதங்களில் எம் ஜி ஆர் மறைந்து விட்டார்...

Wednesday, February 6, 2019

அண்ணாவா பெரியாரா... அம்மாவா அப்பாவா- எம் ஜி ஆர் ருசிகர பதில்கள்



அண்ணாவால் தன் இதயக்கனி என போற்றப்பட்டவர் எம் ஜி ஆர்

1967ல் திமுக வென்றதும் தனக்கு மாலை அணிவிக்க வந்தவர்களை , எம் ஜி ஆர்தான் இந்த மாலைக்கு உரியவர் என அவரிடம் அனுப்பியவர் அண்ணா


கடமை கண்ணியம் கட்டுப்பாடு என்ற தாரக மந்திரத்தை தமிழகத்துக்கு தந்த அண்ணா குறித்து எம் ஜி ஆர் பல சர்ந்தர்ப்பங்களில் பேசி இருக்கிறார்... அதில் ஒன்று இது

------------

உங்களை சிலர் அவதூறாக பேசும்போது என்ன நினைப்பீர்கள்

எம் ஜி ஆர் - இப்போது நான் புகழ் பெற்று இருப்பவன்.. தெரிந்தோ தெரியாமலோ யாருக்காவாது தவறிழைத்திருக்கக்கூடும்.. ஆனால் சாப்பாட்டுக்குகூட வழியின்றி தவித்த அந்த  நாட்களில் , யாருக்கும் எந்த தீங்கும் இழைக்காதபோது  , எங்களை காரமின்றி அவமானப்படுத்தியவர்கள் பலர் உண்டு... வேறு வழியின்றி அவ்ற்றை சகித்துக்கொண்ட அந்த நாட்களை நினைத்து ஆறுதல் அடைவேன்


அம்மா புகழைப்பாடும் நீங்கள் அப்பாவைப் புகழ்வதில்லையே?


எம் ஜி ஆர் . அம்மா என்பதிலேயே அப்பாவும் வந்து விடுகிறாரே.. தந்தை இன்றி தனயன் ஏது... அப்பாவுக்கும் பயந்து நடக்கும் பலர் அம்மாவை மதிப்பதில்லை..எனவேதான் அம்மாவுக்கு முக்கியத்துவம் தருகிறேன்,, ம்ற்றபடி நான் இருவரையுமே வணங்குபவன்



ஆன்மிக படங்களில் ஏன் நடிப்பதில்லை?


தாய்ப்பாசம். பிறர்க்கு உழைத்தல் , தீமையை வெல்லல்.. இவைதான் ஆன்மிகம்,,, அப்படிப்பார்த்தால் என் படங்கள் எல்லாமே ஆன்மிக படங்கள்தான்


சத்துணவு திட்டம் வெற்றி பெறாது ,,,எம் ஜி ஆருக்கு பொருளாதாரம் தெரியவில்லை என்கிறாரே கலைஞர்?


எனக்கு பொருளாதாரம் தெரியாது.. நான் படிக்காதவன்,, ஆனால் ஏழைகளின் பசி தெரியும்.. ஏழைகள்தான் என்னை முதல்வராக்கி இருக்கிறார்கள்... அவர்களுக்கு நல்லது செய்வது என் கடமை


பெரியார்.. அண்ணா .,, யார் சிறந்தவர்?


சுய மரியாதை நம் அடிப்படைத் தேவை.. இதை வலியுறுத்தியவர் பெரியார்... அவர் சொன்னதை சிறப்பாக மக்களிடம் கொண்டு சேர்த்தவர் அண்ணா.. இருவரும் சிறந்தவர்கள்தான்..அவர்களைப்பற்றி ஆராய்வதை விட அவர்கள் சொன்னபடி நடக்கிறோமா என நம்மை நாமே ஆராய்வதே முக்கியம்

Saturday, November 10, 2018

எம் ஜி ஆர் திரைப்படங்களும் அரசியலும்


சினிமா மூலம் எம் ஜி ஆர் வளர்ந்ததாக நினைத்து பலர் அரசியல் படங்கள் எடுக்கின்றனர்..

ஆனால் இந்த ஃபார்முலா ஒரு போதும் வெற்றி அடைந்ததில்லை.. எம் ஜி ஆரே கூட , தன் படங்களில் அரசியல் விளக்க படங்களாக எடுத்தது கிடையாது..

தன் படங்கள் நன்றாக இருக்க வேண்டும் பாடல்கள் நன்றாக இருக்க வேண்டும் என்பதுதான் அவர் நோக்கமாக இருந்தது.. அவர் முதல்வராக ஆசைப்பட்டு இருந்தால் , அண்ணா மறைவுக்கு பின் எளிதாக அதை அடைந்திருக்கலாம்.. அவருக்கு சினிமாதான் முக்கியமாக இருந்தது

அவரது ரசிகர்களுக்கு திமுக தொல்லை கொடுக்க ஆரம்பித்தபோது ரசிகர்களின் கோரிக்கைக்கு இணங்கிதான் அவர் கட்சி ஆரம்பிக்க வேண்டிய சூழல் ஏற்பட்டது

தேர்தலில் வென்ற பின்பும் கூட , படப்பிடிப்பை முடித்த பின்புதான் முதல்வராக பதவியேற்றார்...

முதல்வரான பின்பும்கூட ஒரு படம் நடக்க பேச்சு நடந்தது... விளம்பரங்களும் வெளியாகின.. இசை : இளைய ராஜா...

அந்த அளவுக்கு சினிமாவை காதலித்தார் அவர்

இப்போது பலர் சினிமாவை , அரசியலுக்கான ஒரு விசிட்டிங் கார்டாக நினைக்கின்றனர்

அப்படி நினைத்து எடுக்கப்படும் படங்கள் மக்கள் மனதில் நிற்பதில்லை... இதற்கு எத்தனையோ உதாரணங்கள் உள்ளன







Followers- இவர்களின் லேட்டஸ்ட் போஸ்ட் என்ன? -http://blogs-lovedby-pichaikaaran.blogspot.com

விரைவான கருத்து பரிமாற்றத்துக்கு ....

hit

hit counter

Blog Archive

என்னை தெரியுமா - நான் சிரித்து பழகி கருத்தை கவரும் ரசிகன் என்னை தெரியுமா